ഇവരാണോ ചാണ്ടി ഉമ്മനെ വിമർശിക്കുന്നത് ?

പുതുപ്പള്ളി ഉപതെരഞ്ഞെടുപ്പാണ് ഇപ്പോൾ രാഷ്ട്രീയ കേരളത്തിലെ പ്രധാന ചർച്ചാവിഷയം. അന്തരിച്ച മുൻ മുഖ്യമന്ത്രി ഉമ്മൻ ചാണ്ടിയുടെ മകൻ ചാണ്ടി ഉമ്മനാണ് പുതുപ്പള്ളി ഉപതെരഞ്ഞെടുപ്പിലെ കോൺഗ്രസ്സ് സ്ഥാനാർഥി. ജെയിക്.സി തോമസാണ് എൽ.ഡി.എഫ് സ്ഥാനാർത്ഥി. അതേസമയം, കടുത്ത രാഷ്ട്രീയ പോരാട്ടമാണ് പുതുപ്പള്ളിയിലെ ഉപതെരഞ്ഞെടുപ്പിൽ നടക്കുന്നത്. കോൺഗ്രസ്സിന്റെ കുടുംബാധിപത്യ രാഷ്ട്രീയമാണ് പുതുപ്പള്ളിയിൽ നടക്കുന്നതെന്ന് സി.പി.എം ആരോപിച്ചിരുന്നു. ഇപ്പോഴിതാ, അതിനെതിരെ അന്തംകമ്മികളുടെ യഥാർഥ കുടുംബാധിപത്യ രാഷ്ട്രീയം എന്താണെന്ന് വ്യക്തമാക്കുകയാണ് ഒരു യുവതി.

കണ്ടല്ലോ, സി.പി.എമ്മിന്റെ കുടുംബാധിപത്യ രാഷ്രീയം എന്താണെന്ന് യുവതി വിഡിയോയിൽ അക്കമിട്ട് നിരത്തി പറയുന്നുണ്ട്. സി.പി.എമ്മിലെ നിരവധി നേതാക്കളുടെ മക്കളും ബന്ധുക്കളുമാണ് കുടുംബാധിപത്യ രാഷ്ട്രീയത്തിലൂടെ അധികാരത്തിലേറിയിരിക്കുന്നത്. എന്നിട്ടാണോ ഉമ്മൻചാണ്ടിയുടെ മകനെ ഇതിന്റെ പേരിൽ വിമർശിക്കുന്നതെന്നാണ് യുവതി തുറന്നടിച്ചിരിക്കുന്നത്. എന്തായാലും പുതുപ്പള്ളിയിൽ രാഷ്ട്രീയ പോരാട്ടം കനക്കുകയാണ്.