ഹിമാലയത്തിലെ ചൈനീസ് കടന്നു കയറ്റം. വരാനിരിക്കുന്നത് വന്‍ പാരിസ്ഥിതിക ദുരന്തമോ ?
നേപ്പാളിലും ടിബറ്റിലും അടുത്തിടെ ഉണ്ടായ കനത്ത പ്രളയവും ഉരുള്‍പൊട്ടലുകളും വലിയൊരു പാരിസ്ഥിതിക ദുരന്തത്തിലേക്കാണ് വിരല്‍ ചൂണ്ടുന്നത്. നൂറുകണക്കിന് ജീവനുകള്‍ നഷ്ടപ്പെടുകയും ആയിരക്കണക്കിന് ആളുകളെ കാണാതാവുകയും ചെയ്ത ഈ ദുരന്തം പ്രകൃതിയുടെ മാത്രം പ്രതികാരമല്ല, മറിച്ച് ഹിമാലയന്‍ മേഖലയിലെ അനിയന്ത്രിതമായ മനുഷ്യഇടപെടലുകളുടെ ഫലമാണെന്ന് പ്രമുഖ മാധ്യമപ്രവര്‍ത്തകനും കോളമിസ്റ്റുമായ രാജാ മുനീബ് വ്യക്തമാക്കുന്നു.
നൂറുകണക്കിന് മരണങ്ങള്‍, തകര്‍ന്നടിഞ്ഞ പാലങ്ങളും റോഡുകളും, ജലവൈദ്യുത പദ്ധതികള്‍ക്ക് വന്‍ നാശനഷ്ടവും ഉണ്ടായി. ടിബറ്റന്‍ അതിര്‍ത്തിക്ക് സമീപം 5,200 മീറ്റര്‍ ഉയരത്തില്‍ ഹിമാനികളും പാറകളും കൂറ്റന്‍ തോതില്‍ തകര്‍ന്നു വീണതാണ് പെട്ടെന്നുള്ള പ്രളയത്തിന് കാരണം. ടിബറ്റില്‍ ചൈന നടപ്പിലാക്കുന്ന വലിയ തോതിലുള്ള അടിസ്ഥാന സൗകര്യ വികസനങ്ങളും കൂറ്റന്‍ ജലവൈദ്യുത പദ്ധതികളും ദുരന്തത്തിന്റെ ആഘാതം ഇരട്ടിയാക്കി.
ഭീകരമായ ഭൂകമ്പ സാധ്യതയുള്ള മേഖലയില്‍ ചൈന നിര്‍മ്മിക്കുന്ന കൂറ്റന്‍ അണക്കെട്ട് ഇന്ത്യയും ബംഗ്ലാദേശും ഉള്‍പ്പെടെയുള്ള താഴെയുള്ള രാജ്യങ്ങള്‍ക്ക് വലിയ ഭീഷണിയാണ് ഉയര്‍ത്തുന്നത്. അടിയന്തര ഘട്ടങ്ങളില്‍ ജലനിരപ്പ് സംബന്ധിച്ച കൃത്യമായ വിവരങ്ങളോ മുന്നറിയിപ്പുകളോ താഴെയുള്ള രാജ്യങ്ങളുമായി ചൈന പങ്കുവെക്കുന്നില്ല. ദുരന്തത്തിന്റെ യഥാര്‍ത്ഥ കാരണങ്ങളില്‍ നിന്നും ശ്രദ്ധ തിരിക്കാന്‍ സോഷ്യല്‍ മീഡിയയിലൂടെ വ്യാജ നരേറ്റീവുകളും ബോട്ട് അക്കൗണ്ടുകളും ഉപയോഗിച്ച് ചൈന പ്രതിരോധം തീര്‍ക്കുന്നു. നേപ്പാളും ഇന്ത്യയും ബംഗ്ലാദേശും ഉള്‍പ്പെടെയുള്ള രാജ്യങ്ങള്‍ ഈ പാരിസ്ഥിതിക ഭീഷണി ഗൗരവമായി കാണേണ്ടതുണ്ട്. ചൈനയുടെ ഏകപക്ഷീയമായ ജലവൈദ്യുത-അടിസ്ഥാന സൗകര്യ വികസന പദ്ധതികള്‍ക്കെതിരെ ശക്തമായ രാജ്യാന്തര സഹകരണവും സുതാര്യമായ വിവര കൈമാറ്റ സംവിധാനങ്ങളും അടിയന്തരമായി ആവശ്യമാണെന്ന് രാജാ മുനീബ് പറയുന്നു.
കണ്ണൂര്‍ : കേരളത്തില്‍ എയിംസ് സ്ഥാപിക്കുമെന്ന ഉറപ്പില്‍ മാറ്റമില്ലെന്ന് കേന്ദ്രമന്ത്രി സുരേഷ് ഗോപി ആവര്‍ത്തിച്ചു. എയിംസ് വിഷയത്തില്‍ കേന്ദ്രസര്‍ക്കാര്‍ ഹൈക്കോടതിയെ…
മോസ്‌കോ/ കീവ് : റഷ്യ-യുക്രെയ്ന്‍ യുദ്ധത്തിന് പരിഹാരം കാണുന്നതിനായി ഇന്ത്യ മുന്നോട്ടുവെച്ച സമഗ്രമായ സമാധാന നിര്‍ദേശത്തിന് നന്ദി അറിയിച്ച് റഷ്യ.…
കാസര്‍ഗോഡ്: വന്ദേ മാതരത്തിന്റെ ചരിത്രവും അതിന്റെ രചനയ്ക്ക് പിന്നിലെ സാഹചര്യങ്ങളും ദേശീയ പ്രസ്ഥാനത്തിലുണ്ടാക്കിയ സ്വാധീനവും സമഗ്രമായി പഠിച്ച് ഗവേഷണരേഖയായി പ്രസിദ്ധീകരിക്കണമെന്ന്…
സര്‍ക്കാര്‍ ബസില്‍ വച്ച് വിദ്യാര്‍ഥിനിയോട് മോശമായി പെരുമാറിയെന്ന വീഡിയോ സോഷ്യല്‍ മീഡിയയില്‍ വ്യാപകമായി പ്രചരിച്ചതിന് പിന്നാലെ, തെലങ്കാന കോണ്‍ഗ്രസ് എംഎല്‍എ…
ദില്ലി : ഭരണത്തലവനായി 25 വര്‍ഷം തികയ്ക്കുന്ന വേളയില്‍ രാജ്യസേവനത്തിനായി പൂര്‍ണ്ണമനസ്സോടെ സമര്‍പ്പിക്കുമെന്ന പ്രതിജ്ഞ പുതുക്കി പ്രധാനമന്ത്രി നരേന്ദ്ര മോദി.…
തിരുവനന്തപുരം : സംസ്ഥാനം നേരിടുന്ന കടുത്ത വൈദ്യുതി ക്ഷാമത്തിന് ശാശ്വത പരിഹാരമെന്നോണം, വൈദ്യുതി ആവശ്യകത പരിഹരിക്കുന്നതിനും ദീര്‍ഘകാല ഊര്‍ജസുരക്ഷ ഉറപ്പാക്കുന്നതിനുമായി…