എന്റെ 10 വർഷത്തെ കരിയറിലെ ഏറ്റവും വലിയ വിജയം; ഭൂത് പോലീസ് എന്ന ചിത്രം ചെയ്യാൻ സൈനിക ആരാധകൻ ആത്മവിശ്വാസം നൽകിയതെങ്ങനെയെന്ന വെളിപ്പെടുത്തലുമായി അർജുൻ കപൂർ

പാനിപ്പതിന്റെ പരാജയത്തിന് ശേഷം ഒരു പട്ടാളക്കാരനുമായുള്ള 3 മിനിറ്റ് സംഭാഷണം ഒരു സിനിമ ചെയ്യാൻ തനിക്ക് ധൈര്യം നൽകിയതിനെക്കുറിച്ചുള്ള അനുഭവം പങ്കിട്ട് നടൻ അർജുൻ കപൂർ.

കോവിഡ് മഹാമാരി കാരണം 2020 ൽ ഇന്ത്യ ലോക്ക്ഡൗണിലായിരുന്ന സമയം അർജുൻ കപൂർ അനുസ്മരിച്ചു. സിനിമാ വ്യവസായം കഷ്ടപ്പെടുകയും തിയേറ്ററുകൾ അടച്ചിടുകയും ചെയ്തപ്പോൾ താൻ വളരെ താഴ്ന്ന നിലയിലായിരുന്നുവെന്നും അദ്ദേഹം പറഞ്ഞു. ഡൽഹൗസിയിലെ ഒരു സൈനികനുമായുള്ള സംഭാഷണമാണ് ഭൂത് പോലീസ് ചെയ്യാൻ തനിക്ക് ധൈര്യം നൽകിയതെന്നും അദ്ദേഹം വ്യക്തമാക്കി.
ഭൂത് പോലീസ് എന്ന ചിത്രം 2021 സെപ്റ്റംബർ 10നാണ് റിലീസ് ചെയ്തത്. സെയ്ഫ് അലി ഖാൻ, അർജുൻ കപൂർ, ജാക്വലിൻ ഫെർണാണ്ടസ്, യാമി ഗൗതം ധർ, ജാവേദ് ജാഫ്രി എന്നിവരാണ് ചിത്രത്തിൽ അഭിനയിച്ചത്.

ബോളിവുഡ് ഹംഗാമയുമായുള്ള പുതിയ അഭിമുഖത്തിനിടെ, അർജുൻ പറഞ്ഞതിങ്ങനെ,

“ലോക്ക്ഡൗൺ സമയത്ത്, ഞാൻ വീട്ടിൽ ഇരുന്ന് ഭൂത് പോലീസ് സിനിമയ്ക്കായി കരാറിൽ ഒപ്പിട്ടു. ഞങ്ങൾ ഷൂട്ടിംഗിനായി ധർമ്മശാലയിലേക്ക് പോയി. ആദ്യഘട്ടം ഡൽഹൗസിയിലായിരുന്നു. 2020-ലെ ലോക്ക്ഡൗൺ കഴിഞ്ഞ് 6 മാസം കഴിഞ്ഞിട്ടുണ്ടെന്നാണ് എൻ്റെ ഊഹം. ആ സമയത്ത് എന്റെ ആത്മവിശ്വാസം വളരെ കുറവായിരുന്നു. എന്റെ ചിത്രം പാനിപ്പത്ത് ബോക്‌സ് ഓഫീസിൽ മികച്ച പ്രകടനം നടത്തിയില്ല, തിയേറ്ററുകൾ അടച്ചുപൂട്ടി, വ്യവസായം ലോക്ക്ഡൗണിലായി. ലോക്ക്ഡൗണിന് ശേഷം ആദ്യമായാണ് ഞാൻ സിനിമ ചെയ്യാൻ പോകുന്നത്. വളരെ ആശയക്കുഴപ്പത്തിലാണ് ഞാൻ അവിടെ ചെന്നത്. എനിക്ക് അത് ചെയ്യാൻ കഴിയുമോ എന്ന് എനിക്ക് ഉറപ്പില്ലായിരുന്നു.

ഞാൻ ഡൽഹൗസിയിൽ എത്തിയപ്പോൾ സൈന്യത്തിന് ഡൽഹൗസിലേക്ക് പ്രവേശിക്കാൻ ബാരിക്കേഡിംഗ് ഉണ്ടായിരുന്നു, ഞാൻ ചിന്തകളിൽ മുഴുകി, എന്റെ കാർ അവിടെ എത്തിയപ്പോൾ ആ വ്യക്തി എന്നെ നോക്കി പറഞ്ഞു, ‘അരേയ് അർജുൻ കപൂർ അരേ, സാർ എങ്ങനെയുണ്ട്? , ഞാൻ നിങ്ങളുടെ ഗുണ്ടേ എന്ന സിനിമ കണ്ടു. അപ്പോഴാണ് എനിക്ക് മനസ്സിലായത്, ഇതാണ് ഞാൻ പ്രവർത്തിക്കുന്ന പ്രേക്ഷകർ എന്ന്. എന്റെ സിനിമ വിജയിച്ചില്ലെങ്കിലും അവർ അത് കാര്യമാക്കുന്നില്ല. മേം ഇത്നാ തൂത ഹുവാ താ ഇത്നാ ഥാ, യു എസ് ആദ്മി സേ മിലാ ഔർ ഉസ്‌നേ 3 മിനിറ്റ് ബാത് കി (ആ സമയത്ത് ഞാൻ തകർന്നുപോയി, ഞാൻ അവനോട് 3 മിനിറ്റ് സംസാരിച്ചു) അദ്ദേഹത്തിന്റെ വാക്കുകൾ ആ സിനിമ ചെയ്യാൻ എനിക്ക് ശക്തി നൽകി . എന്റെ പ്രേക്ഷകർ എന്നെ ഓർക്കുന്നത് അങ്ങനെയാണെന്ന് അറിഞ്ഞുകൊണ്ട് എനിക്ക് ഒരു സിനിമ മുഴുവൻ ചെയ്യാനാകും, അതൊരു അജണ്ടയല്ല. അവൻ ഒരു സാധാരണ പ്രതികരണമാണ് നൽകിയത്. എന്റെ 10 വർഷത്തെ കരിയറിലെ ഏറ്റവും വലിയ വിജയമാണ് ഡൽഹൗസിയിലെ ഒരു സൈനിക ഉദ്യോഗസ്ഥൻ എന്നെ അറിയുന്നത്, അയാൾക്ക് എന്റെ ജോലി വലിയ ഇഷ്ടമാണ്.

ജോൺ എബ്രഹാം, ദിഷ പടാനി, താര സുതാരിയ എന്നിവർ പ്രധാന വേഷങ്ങളിൽ അഭിനയിച്ച അർജുന്റെ അവസാന ചിത്രമായ ഏക് വില്ലൻ റിട്ടേൺസ് ജൂലൈ 29 ന് പുറത്തിറങ്ങിയിരുന്നു. കുട്ടേയ്, ദ ലേഡികില്ലർ എന്നീ ചിത്രങ്ങളിലാണ് അദ്ദേഹം അടുത്തതായി അഭിനയിക്കുന്നത്. കൊങ്കണ സെൻശർമ്മ, രാധികാ മദൻ, നസീറുദ്ദീൻ ഷാ, തബു എന്നിവരാണ് കുട്ടേയിലെ പ്രധാന താരങ്ങൾ. ലേഡികില്ലറിൽ അർജുനൊപ്പം ഭൂമി പെഡ്‌നേക്കറും അഭിനയിക്കുന്നു.