പെരുമ്പാവൂരിൽ അസം സ്വദേശിനി വെട്ടേറ്റ് മരിച്ചു; ഭര്‍ത്താവ് ഒളിവില്‍, ദുരൂഹത

പെരുമ്പാവൂർ: പെരുമ്പാവൂർ കണ്ടന്തറയില്‍ വീട്ടമ്മയെ വെട്ടേറ്റ് മരിച്ച നിലയില്‍ കണ്ടെത്തി. അസം സ്വദേശിനിയും പെരുമ്പാവൂരിലെ പ്ലൈവുഡ് കമ്പനി തൊഴിലാളിയായ ഫക്രൂദീന്‍റെ ഭാര്യയുമായ ഖാലിദാ ഖാത്തൂനാണ് മരിച്ചത്.

ഇന്നലെ രാത്രിയോടെയാണ് സംഭവം നടന്നത്. മകനാണ് ഖാലിദ വെട്ടേറ്റ് കിടക്കുന്നത് ആദ്യം കണ്ടത്.
തുടർന്ന് മകന്‍ നാട്ടുകാരെയും പോലീസിനെയും വിവരം അറിയിക്കുകയായിരുന്നു.

സംഭവത്തിൽ പെരുമ്പാവൂർ പോലീസ് അന്വേഷണം തുടങ്ങി. ഖാലിദയുടെ ഭര്‍ത്താവ് ഫക്രൂദീന്‍ ഒളിവിലാണ്. കൊല നടത്തിയത് ഇയാളാണോയെന്ന സംശയത്തില്‍ പോലീസ് അന്വേഷണം ആരംഭിച്ചിട്ടുണ്ട്.