വീണ്ടും അരിക്കൊമ്പന്റെ ആക്രമണം!ചിന്നക്കനാല്‍ കോളനിയിൽ ഒരു ഷെഡ് തകര്‍ത്തു

ഇടുക്കി:വീണ്ടും കാട്ടാന ആക്രമണം.ചിന്നക്കനാലിൽ ഇന്ന് പുലർച്ചെ നാലു മണിയോടെയെത്തിയ അരിക്കൊമ്പൻ 301 കോളനിയിൽ ഒരു ഷെഡ് തകർത്തു.ഷെഡിലുണ്ടായിരുന്ന യശോധരൻ രക്ഷപെട്ടത് തലനാരിഴക്കാണ്.വനവാസി പുനരധിവാസ പദ്ധതി പ്രകാരം 301 കുടുംബങ്ങളെ കുടിയിരുത്തിയ സ്ഥലമാണ് മുന്നൂറ്റിയൊന്ന് കോളനി.

യശോധരൻ കടന്നുറങ്ങിയിരുന്ന കുടിലാണ് അരിക്കൊമ്പൻ തകർത്തത്. പാത്രങ്ങളും സാധനങ്ങളുമെല്ലാം തട്ടിത്തെറിപ്പിച്ചു. യശോധരൻ തന്‍റെ കയ്യിലുണ്ടായിരുന്ന പന്തം കത്തിച്ച് സമീപത്ത് ഉണങ്ങിക്കിന്നിരുന്ന പുല്ലിലേക്ക് എറിഞ്ഞു. തീ കത്തുന്നതു കണ്ടതോടെ അരിക്കൊമ്പൻ അവിടെ നിന്നും പിന്മാറുകയായിരുന്നു.