മുൻ കേന്ദ്ര മന്ത്രി വി മുരളീധരന്റെ വീടിന് നേരെ ആക്രമണം ; ഒരാൾ അറസ്റ്റിൽ

തിരുവനന്തപുരം : മുൻ കേന്ദ്ര മന്ത്രി വി മുരളീധരന്റെ വീടിന് നേരെ ആക്രമണം. തിരുവനന്തപുരം കൊച്ചുള്ളൂരിലെ വസതിക്ക് നേരെയാണ് ആക്രമമുണ്ടായത്. വീടിന്റെ ജനൽ ചില്ലുകൾ കല്ലുപയോഗിച്ച് എറിഞ്ഞുപൊട്ടിച്ച നിലയിലാണ്.

സംഭവത്തിൽ ഒരാളെ പോലീസ് അറസ്റ്റ് ചെയ്തു. കണ്ണൂർ പയ്യന്നൂർ സ്വദേശി മനോജിനെയാണ് പോലീസ് അറസ്റ്റ് ചെയ്തത്. മെഡിക്കൽ കോളേജ് പൊലീസാണ് പ്രതിയെ കസ്റ്റഡിയിലെടുത്തത്. കഴിഞ്ഞവർഷവും സമാന രീതിയിൽ പ്രതി വി മുരളീധരന്റെ വീടിന് നേരെ ആക്രമണം നടത്തിയിരുന്നു.