ഇന്ത്യൻ നിയന്ത്രണ രേഖയിലൂടെ നുഴഞ്ഞുകയറാൻ ശ്രമം ; ജമ്മുകശ്മീരിലെ കുപ്‌വാരയിൽ മൂന്ന് ഭീകരരെ വധിച്ച് സൈന്യം

ശ്രീനഗർ : ജമ്മുകശ്മീരിലെ കുപ്‌വാരയിൽ ഭീകരരുടെ നുഴഞ്ഞുകയറ്റ ശ്രമത്തെ പരാജയപ്പെടുത്തി ഇന്ത്യൻ സൈന്യം. ഇന്ത്യയുടെ നിയന്ത്രണ രേഖയ്‌ക്ക് സമീപത്ത് കൂടി നുഴഞ്ഞു കയറാൻ ശ്രമിച്ച മൂന്ന് ഭീകരരെ സൈന്യം വധിച്ചു. കൂടാതെ, മേഖലയിൽ കൂടുതൽ ഭീകരർക്കായുള്ള തെരച്ചിൽ പുരോഗമിച്ചുകൊണ്ടിരിക്കുകയാണെന്നും സൈന്യം വ്യക്തമാക്കി.

കൊല്ലപ്പെട്ട ഭീകരരുടെ പക്കൽ നിന്നും ആയുധങ്ങളും വെടിക്കോപ്പുകളും കണ്ടെടുത്തതായി ചിനാർ പൊലീസ് എക്‌സിൽ കുറിച്ചു. അതേസമയം, കഴിഞ്ഞ ദിവസമാണ് ഭീകരരുടെ നുഴഞ്ഞുകയറ്റ ശ്രമങ്ങൾ തടയുന്നതിനായി കേരൻ സെക്ടറിൽ ധനുഷ് II എന്ന പേരിൽ രഹസ്യ ഓപ്പറേഷൻ സുരക്ഷാസേന ആരംഭിച്ചത്. ഓപ്പറേഷന്റെ ഭാഗമായി പരിശോധനകൾ നടന്നു വരുന്നതിനിടയിലാണ് മൂന്ന് ഭീകരരുടെ നുഴഞ്ഞുകയറ്റ ശ്രമം ഇന്ത്യൻ സൈന്യം പരാജയപ്പെടുത്തിയത്.