മലപ്പുറം: കോയമ്പത്തൂരില് നിന്നും വളാഞ്ചേരിയിലേക്ക് ശരീരത്തില് ഒളിപ്പിച്ച് കടത്താന് ശ്രമിച്ച രേഖകളില്ലാത്ത പണം പിടികൂടി. സംഭവത്തിൽ സ്ത്രീയുള്പ്പെടെ മൂന്ന് പേർ അറസ്റ്റിൽ. ഇരുപത്തേഴര ലക്ഷം രൂപയാണ് ഇവരിൽ നിന്നും പിടികൂടിയത്. ഇവര് സഞ്ചരിച്ചിരുന്ന കാറും വളാഞ്ചേരി പോലീസ് പിടിച്ചെടുത്തിട്ടുണ്ട്.
വളാഞ്ചേരി വൈക്കത്തൂര് താമസിക്കുന്ന ദത്ത സേട്ട് (54) മൂച്ചിക്കല് കളപ്പാട്ടില് നിസാര് (36) എന്നിവരെയും ഒരു സ്ത്രീയെയുമാണ് വളാഞ്ചേരി പോലീസ് ഇന്സ്പെക്ടര് ജലീല് കരുത്തേടത്തും സംഘവും കഴിഞ്ഞ ദിവസം രാവിലെ കൊടുമുടിയില് നിന്നും കസ്റ്റഡിയിലെടുത്തത്.
മലപ്പുറം ജില്ലാ പോലീസ് മേധാവി സുജിത് ദാസ് ഐ പി എസിന് ലഭിച്ച രഹസ്യ വിവരത്തിന്റെ അടിസ്ഥാനത്തില് തിരൂര് ഡി വൈ എസ് പി ബിജുവിന്റെ നിര്ദ്ദേശപ്രകാരമാണ് പരിശോധന നടത്തി പണം പിടികൂടിയത്. എസ് ഐ അസീസ്, എ എസ് ഐ അന്വര്, സി പി ഒ ദീപു, ഗിരീഷ്, സഫ്വാന് എന്നിവരും പരിശോധനയില് ഉണ്ടായിരുന്നു.
100 വർഷങ്ങൾക്കിപ്പുറം കടൽതീരത്ത് തിരിച്ചെത്തി സെയ് തിമിംഗലം,കാരണം ഇതാണ്
കൊച്ചി ;കരുവന്നൂര് സഹകരണ ബാങ്ക് തട്ടിപ്പുകേസില് പ്രതികള്ക്ക് നേരിട്ടും അല്ലാതെയും കോടികളുടെ കള്ളപ്പണം വെളുപ്പിക്കലില് പങ്കുണ്ടെന്ന് എന്ഫോഴ്സ്മെന്റ് ഡയറക്ടറേറ്റ് ഹൈക്കോടതിയില്…
തിരുവിതാംകൂർ ദേവസ്വം ബോർഡ് ബോർഡ് ജീവനക്കാർക്കായി സംഘടിപ്പിച്ച ഭക്ത സുഗദം - ക്ഷേത്ര ദർശനം പരിശീലന ക്ലാസ് ആരംഭിച്ചു. മുൻജില്ലാകളക്ടറും…