അഞ്ചു മാസത്തെ കുടിശികയിൽ ആഗസ്റ്റ് മാസത്തെ ക്ഷേമ പെൻഷൻ ക്രിസ്മസിന് മുമ്പ് നൽകും! മാറ്റിവയ്ക്കുന്നത് 900 കോടിയോളം രൂപ

തിരുവനന്തപുരം : അഞ്ചു മാസത്തെ ക്ഷേമ പെൻഷൻ കുടിശികയിൽ ആഗസ്റ്റ് മാസത്തെ സാമൂഹ്യ സുരക്ഷാ,​ ക്ഷേമ പെൻഷൻ ക്രിസ്മസിന് മുമ്പ് നൽകും ചെയ്യുമെന്ന് മന്ത്രി കെ.എൻ. ബാലഗോപാൽ അറിയിച്ചു.ക്രിസ്മസിന് മുമ്പ് പെൻഷൻ നൽകുന്ന വിധത്തിൽ ക്രമീകരണം ഉണ്ടാക്കാനാണ് ധനവകുപ്പിന്റെ നിർദ്ദേശംം. ഡിസംബറിലെ പെൻഷൻ തുകയും ചേർത്ത് അഞ്ച് മാസത്തെ കുടിശികയായിരുന്നു നിലവിൽ കൊടുത്ത് തീർക്കാൻ ഉള്ളത്.

നേരിട്ട് ലഭിക്കുന്നവർക്ക് സഹകരണ സംഘങ്ങൾ വഴിയും അല്ലാതെയുള്ളവർക്ക് ബാങ്ക് അക്കൗണ്ട് വഴിയുമാകും പെൻഷൻ ലഭിക്കുക. 900 കോടിയോളം രൂപയാണ് ഇതിനായി മാറ്റിവയ്ക്കുന്നത്. 64 ലക്ഷം പേരാണ് പെൻഷൻ ഡാറ്റാബേസിലുള്ളത്. മസ്റ്ററിംഗ് ചെയ്തിട്ടുള്ളവർക്കെല്ലാം പെൻഷൻ അനുവദിക്കുമെന്നും . മറ്റുള്ളവർക്ക് മസ്റ്ററിംഗ് പൂർത്തിയാക്കുന്ന മാസം തന്നെ പെൻഷൻ ലഭിക്കുമെന്നും ധനമന്ത്രി വ്യക്തമാക്കി.