ഓസ്‌ട്രേലിയൻ മണ്ണ് ഇന്ന് അമ്പാടിയാകും ! ബാലഗോകുലത്തിന്റെയും വൃന്ദാവൻ കിഡ്സ് ക്ലബിന്റെയും സംയുക്ത ആഭിമുഖ്യത്തിലുള്ള ശ്രീകൃഷ്ണ ജയന്തി ശോഭായാത്ര ഇന്ന് മെൽബണിലെ ശിവ വിഷ്ണു ക്ഷേത്രത്തിൽ നടക്കും ; ശോഭായാത്രയിൽ അണി നിരക്കുന്നത് 150 ലധികം കുരുന്നുകൾ; തത്സമയ കാഴ്ചയൊരുക്കി തത്വമയിയും

ബാലഗോകുലത്തിന്റെയും വൃന്ദാവൻ കിഡ്സ് ക്ലബിന്റെയും സംയുക്ത ആഭിമുഖ്യത്തിലുള്ള ശ്രീകൃഷ്ണ ജയന്തി ശോഭായാത്ര ഇന്ന് മെൽബണിലെ ശിവ വിഷ്ണു ക്ഷേത്രത്തിൽ നടക്കും. വർഷാവർഷം നടത്തിവരാറുള്ള ശോഭായാത്ര മെൽബണിലെ ഹിന്ദു സമാജത്തിന്റെ പ്രധാനപ്പെട്ട ആഘോഷങ്ങളിൽ ഒന്നാണ്. 150 ലധികം കുരുന്നുകളാണ് ഇത്തവണ മെൽബണെ അമ്പാടിയാക്കാൻ തയ്യാറെടുക്കുന്നത്.

താലപ്പൊലിയേന്തിയ അമ്മമാരും, മുത്തുക്കുടയും വാദ്യമേളങ്ങളും നാമസങ്കീർത്തനങ്ങളും ശോഭായാത്രക്ക് മിഴിവേകും. ഉറിയടിയും കൃഷ്ണ ഗോപികമാരുടെ നൃത്യ നൃത്തങ്ങളും നാളെ അരങ്ങേറുമ്പോൾ കാണികളും മനസ് കൊണ്ട് സാക്ഷാൽ അമ്പാടിയിലെത്തും. സനാതന ധർമം സമാനതകളില്ലാത്ത വെല്ലുവിളികൾ നേരിടുന്ന ഈ കാലഘട്ടത്തിൽ ശ്രീകൃഷ്ണ ജയന്തി ശോഭായാത്ര പരിപൂർണ വിജയമാക്കാൻ മെൽബണിലെ ഹൈന്ദവ സമാജത്തിന്റെ ഒറ്റക്കെട്ടായുള്ള പരിശ്രമങ്ങൾ അഭിനന്ദാർഹമാണ് എന്നതിൽ സംശയമില്ല.

മെൽബണിലെ ശിവ വിഷ്ണു ക്ഷേത്രത്തിൽ നടത്തുന്ന ശോഭായാത്രയുടെ തത്സമയ ദൃശ്യങ്ങൾ രാവിലെ 11 മണി മുതൽ താഴെ നൽകിയിരിക്കുന്ന ലിങ്കിലൂടെ തത്വമയിയുടെ പ്രേക്ഷകർക്ക് വീക്ഷിക്കാനാകുന്നതാണ്.
http://bit.ly/40h4Ifn