ബാല​ഗോകുലം രാഷ്ട്രീയ സംഘടന ! കോഴിക്കോട് ശ്രീകൃഷ്ണ ജയന്തി ആഘോഷങ്ങൾക്ക് വിലക്കേർപ്പെടുത്തി സിപിഎം ; പ്രതിഷേധവുമായി ഭക്തർ

കോഴിക്കോട് : ശ്രീകൃഷ്ണ ജയന്തി ആഘോഷങ്ങൾക്ക് വിലക്കേർപ്പെടുത്തി സിപിഎം. ബാല​ഗോകുലത്തിന്റെ ശ്രീകൃഷ്ണ ജയന്തി ആഘോഷങ്ങൾക്കാണ് സിപിഎം വിലക്കേർപ്പെടുത്തിയിരിക്കുന്നത്. ബാല​ഗോകുലം രാഷ്‌ട്രീയ സംഘടനയാണെന്നാണ് സിപിഎം വാദം. സംഭവത്തിൽ ഭക്തജനങ്ങൾ വ്യാപകമായ പ്രതിഷേധവുമായി രംഗത്തെത്തിയിട്ടുണ്ട്.

കോഴിക്കോട് ചെലൂർ സുബ്രഹ്മണ്യ മഹാക്ഷേത്ര കമ്മിറ്റിയുടേതാണ് ഈ നടപടി. ബാല​ഗോകുലം രാഷ്‌ട്രീയ സംഘടനയാണ്. അതിനാൽ ശോഭായാത്രയ്‌ക്ക് ക്ഷേത്രഭൂമി നൽകാനാകില്ലെന്ന് ക്ഷേത്രകമ്മിറ്റി ഭാരവാഹികൾ അറിയിച്ചിരിക്കുകയാണ്. ഇത് സംബന്ധിച്ച് ബാല​ഗോകുലത്തിന് കത്തും നൽകിയിട്ടുണ്ട്. അതേസമയം, മുൻ വർഷങ്ങളിൽ ശോഭായാത്ര നടത്തുന്നതിനായി ക്ഷേത്രവും ക്ഷേത്രഭൂമിയും വിട്ടുനൽകിയിരുന്നു. കുന്നമം​ഗലം ഭാ​ഗത്ത് അഞ്ചിടങ്ങളിൽ ബാല​ഗോകുലത്തിന്റെ നേതൃത്വത്തിൽ ശോഭയാത്ര സംഘടിപ്പിച്ചിരുന്നു. മറ്റിടങ്ങളിൽ ആഘോഷപൂർവമായി ശോഭായാത്ര നടക്കുമ്പോഴാണ് ചെലൂർ ഭാ​ഗത്ത് മാത്രമുള്ള വിലക്കെന്ന് ഭക്തജനങ്ങൾ പറയുന്നു.