മന്ത്രിയെന്ന നിലയിൽ വൻ പരാജയം,ആർ ബിന്ദുവിനെ എയറിൽ കയറ്റി ട്രാൻസ്ജെൻഡർ നടി സഞ്ജന

ഇടത് സർക്കാരിനെക്കൊണ്ട് പൊരുതി മുട്ടിയിരിക്കുകയാണ് ജനങ്ങൾ, എന്നാൽ അത് എല്ലാവരും തുറന്ന് പറയണമെന്നില്ല , എന്നാൽ ഉന്നത വിദ്യാഭ്യാസ വകുപ്പ് മന്ത്രി ആർ.ബിന്ദുവിനെതിരെ ട്രാൻസ്ജെൻഡർ നടി സഞ്ജന ചന്ദ്രൻ തുറന്നടിച്ചിരിക്കുകയാണ് . മന്ത്രിയെന്ന നിലയിൽ ആർ ബിന്ദു വൻ പരാജയമാണെന്നാണ് സഞ്ജന ചന്ദ്രൻ പറഞ്ഞത്. സഞ്ജന ചന്ദ്രനെ അഭിനന്ദിച്ച് മന്ത്രി ഫേസ്ബുക്കിൽ പങ്കുവച്ച പോസ്റ്റ് പിന്‍വലിച്ചതിന് പിന്നാലെയാണ് വിമര്‍ശനവുമായി സഞ്ജന രംഗത്തെത്തിയത്. ഫേസ്ബുക്ക് പോസ്റ്റിലൂടെയാണ് സഞ്ജന പ്രതികരിച്ചത്. സഞ്ജനയെ അഭിനന്ദിച്ച് മന്ത്രി ഫേസ്ബുക്കിൽ പങ്കുവച്ച പോസ്റ്റ് റീഷെയര്‍ ചെയ്തുകൊണ്ട് ‘അധിക്ഷേപിച്ച് ഇറക്കിവിട്ട വേദിയില്‍ വീണ്ടും അതിഥിയായി ക്ഷണിച്ചതിന് നന്ദി’ എന്ന് സഞ്ജനയും കുറിച്ചിരുന്നു. ഇതിന് മണിക്കൂറുകൾക്ക് ശേഷമാണ് ആർ.ബിന്ദു പുകഴ്‌ത്തിയ പോസ്റ്റ് പിൻവലിച്ചത്. പിന്നാലെ, ആർ.ബിന്ദുവിന്റെ പോസ്റ്റിന്റെ സ്ക്രീൻ ഷോട്ട് സഹിതം പങ്കുവച്ചായിരുന്നു സഞ്ജന പ്രതികരിച്ചത്. സഞ്ജനയുടെ വാക്കുകൾ ഇങ്ങനെ ആയിരുന്നു , വിളിച്ചുവരുത്തി അപമാനിക്കരുതായിരുന്നു സാമൂഹ്യനീതി വകുപ്പ് ക്ഷണിച്ചിട്ടാണ് ഞാൻ തൃശൂരിൽ കലോത്സവത്തിന് അതിഥിയായി പ്രോഗ്രാം ചെയ്തിട്ടുള്ളത്, അല്ലാതെ വലിഞ്ഞു കേറി വന്നതല്ല രാവിലെ മുതൽ നിങ്ങളുടെ ഫേസ്ബുക്ക് പോസ്റ്റിൽ എന്നെക്കുറിച്ച് ഒരു പോസ്റ്റ് കണ്ടിരുന്നു. വൈകുന്നേരം ആയപ്പോഴേക്കും ആ പോസ്റ്റ് അപ്രത്യക്ഷമായി കഴിഞ്ഞിരിക്കുന്നു. ഒരു മന്ത്രിയെന്ന നിലയിൽ നിങ്ങൾ വൻ പരാജയമാണെന്ന് വീണ്ടും തെളിയിക്കുകയാണ്. ഒരു കലാകാരി ആയിട്ടു കൂടി നിങ്ങൾ മറ്റൊരു കലാകാരിയോട് ചെയ്യുന്ന ഏറ്റവും വൃത്തികെട്ട പെരുമാറ്റം ആയിപ്പോയി . ഏതായാലും ബിന്ദു ഇപ്പോൾ എയറിലാണ് , ഒരു മന്ത്രി എന്ന നിലയിൽ വേണ്ട വിവരും വിദ്യാഭ്യാസവും ബിന്ദുവിന് ഇല്ലാ എന്നുള്ള കാര്യം എല്ലാവർക്കും അറിയാം , അതിന്റെ പേരിൽ തന്നെ നിരവധി തവണ ആർ ബിന്ദു ട്രോളുകളിൽ നിറയാറുണ്ട് അതിന്റെ കൂടെയാണ് ഇപ്പോൾ എത്തും കൂടെ