തിരുവനന്തപുരം: ഭീകരവാദ പ്രവര്ത്തനങ്ങള് തടയുന്നതിലെ കേരള സര്ക്കാരിന്റെ വീഴ്ചയും മൃദുസമീപനവും അന്വേഷിക്കണമെന്നാവശ്യപ്പെട്ട് ബിജെപി സംഘം ഗവര്ണര് റിട്ട ജസ്റ്റിസ്. പി. സദാശിവത്തിന് നിവേദനം നല്കി. സര്ക്കാരിനോട് അടിയന്തരമായി വിശദീകരണം തേടണമെന്നും നിവേദനത്തില് ആവശ്യപ്പെട്ടിട്ടുണ്ട്.
2018 ജൂലൈ 25ന് കാസര്കോട് ജില്ലാ സ്പെഷ്യല് ബ്രാഞ്ച് നല്കിയ നല്കിയ റിപ്പോര്ട്ടില് യമനലിലേക്ക് ആളുകളെ കടത്തുന്ന വിവരവും അത് സംബന്ധിച്ച ശുപാര്ശകളും നല്കിയതാണ്. യമനിലേക്ക് പോകുന്നതിനെതിരെ കേന്ദ്ര സര്ക്കാര് പാസ്പോര്ട്ട് നിയമത്തില് വരുത്തിയ മാറ്റങ്ങള് ഉള്പ്പെടെയാണ് സ്പെഷ്യല് ബ്രാഞ്ച് റിപ്പോര്ട്ട് നല്കിയത്്.
കാസര്കോഡ് നിന്ന് 10 പേര് പോയതായി സ്ഥിരീകരിച്ച റിപ്പോര്ട്ടില് പ്രധാനമായും രണ്ട് ശുപാര്ശകളാണ് നല്കിയത്. യമനിലേക്ക് പോകുന്നത് നിരോധിച്ച വിവരം മാധ്യമങ്ങള് വഴി ജനങ്ങളിലേക്കും എല്ലാ പോലീസ് ഓഫീസര് മാര്ക്കും നിര്ദ്ദേശം നല്കുക, റിക്രൂട്ടിംഗ് ഏജന്സികള്ക്കെതിരെ നടപടി സ്വീകരിക്കുക, പാസ്പോര്ട് കണ്ട് കെട്ടാന് കേസെടുത്ത് കേന്ദ്ര വിദേശകാര്യ വകുപ്പിന് നല്കുക തുടങ്ങിയ നിര്ദ്ദേശങ്ങളില് ഒന്നു പോലും കേരള സര്ക്കാര് നടപ്പിലാക്കിയിട്ടില്ല. ശ്രീലങ്കന് സ്ഫോടനത്തില് കേരളത്തിന്റെ പങ്ക് വ്യക്തമാക്കുന്ന അറസ്റ്റുകള് ഉണ്ടായിട്ടും സര്ക്കാര് തീവ്രവാദത്തോട് മൃദുസമീപനമാണ് സ്വീകരിക്കുന്നതെന്നും നിവേദനത്തില് പറയുന്നു.
മയക്ക് മരുന്നും ആയുധവും കാസര്കോട് മണല് കടത്തിന്റെ മറവില് നടക്കുന്നു വെന്ന് സംശയിക്കുന്നെന്നും 36 പോലീസ് ഉദ്യോഗസ്ഥര്ക്ക് എതിരെ നടപടി വേണമെന്നും ആവശ്യപ്പെട്ട് ജൂലൈ 13ന് നാര്കോടിക് സെല് റിപ്പോര്ട്ട് നല്കി. സര്ക്കാരിന്റെ ഗുരുതര കൃത്യവിലോപം ഭീകരവാദത്തിന്റെ കേന്ദ്രമാക്കുകയാണെന്നും നിവേദനത്തില് വ്യക്തമാക്കിയിട്ടുണ്ട്.
ബിജെപി സംസ്ഥാന പ്രസിഡന്റ് അഡ്വ.പി. ശ്രീധരന് പിള്ള, വി.മുരളീധരന് എം പി, അഡ്വ.ജെ. ആര്. പത്മകുമാര്, ഡോ. പി. പി. വാവ, അഡ്വ.എസ്. സുരേഷ്, സി..ശിവന്കുട്ടി, അഡ്വ. പി സുധീര് എന്നിവരടങ്ങുന്ന സംഘം രാജ് ഭവനില് എത്തിയാണ് നിവേദനം നല്കിയത്.
തിരുവനന്തപുരം : എന്ഫോഴ്സ്മെന്റ് ഡയറക്ടറേറ്റിന്റെ (ED) കത്തുമായി ബന്ധപ്പെട്ട പ്രാഥമിക അന്വേഷണ വിഷയത്തില് മുന് മുഖ്യമന്ത്രി പിണറായി വിജയന്മേല് ഉടന്…
കൊച്ചി : കേരള ട്രാവല് മാര്ട്ട് ഉദ്ഘാടന വേദിയില് വന് പ്രഖ്യാപനങ്ങളുമായി മുഖ്യമന്ത്രി വി.ഡി. സതീശന്. തിരുവനന്തപുരം മൃഗശാലയുടെ സ്ഥലത്ത്…
തിരുവനന്തപുരം : വഴിത്തര്ക്കത്തെ തുടര്ന്നുണ്ടായ സംഘര്ഷത്തില് സഹോദരനെ കൊലപ്പെടുത്തിയ കേസില് സഹോദരിക്കും മക്കള്ക്കും ജീവപര്യന്തം കഠിനതടവും പിഴയും ശിക്ഷ വിധിച്ചു.…
ന്യൂഡല്ഹി : ഏഷ്യന് ഗെയിംസ് ഷൂട്ടിങ് സ്കീറ്റ് മിക്സഡ് ടീം ഇനത്തില് വെങ്കല മെഡല് സ്വന്തമാക്കിയ പരിനാസ് ധാലിവാള്, അനന്ത്ജീത്…
മലപ്പുറത്തെ മഴക്കെടുതിയും പ്രളയവും വിലയിരുത്താന് മുഖ്യമന്ത്രി നടത്തിയ യാത്രയ്ക്കായി ഉപയോഗിച്ച ചാര്ട്ടേഡ് വിമാനത്തിന് ജി.എസ്.ടി ഉള്പ്പെടെ 19.88 ലക്ഷം രൂപ…
നേപ്പാളിലും ടിബറ്റിലും അടുത്തിടെ ഉണ്ടായ കനത്ത പ്രളയവും ഉരുള്പൊട്ടലുകളും വലിയൊരു പാരിസ്ഥിതിക ദുരന്തത്തിലേക്കാണ് വിരല് ചൂണ്ടുന്നത്. നൂറുകണക്കിന് ജീവനുകള് നഷ്ടപ്പെടുകയും…