കെ. ഫോണിൽ ഉപയോഗിക്കുന്നത് നിലവാരമില്ലാത്ത ചൈനീസ് കേബിളുകൾ;ഇത് ജനങ്ങളെ കബളിപ്പിക്കുന്ന പദ്ധതി,കെ ഫോൺ പദ്ധതിയിൽ സർക്കാരിന്റെ തട്ടിപ്പുകൾ ചൂണ്ടിക്കാട്ടി ബി ജെ പി സംസ്ഥാന അദ്ധ്യക്ഷൻ കെ സുരേന്ദ്രൻ

തിരുവനന്തപുരം: സംസ്ഥാനം ഒന്നടങ്കം സർക്കാർ കൊട്ടിഘോഷിക്കുന്ന കെ. ഫോണിൽ തട്ടിപ്പ് ചൂണ്ടിക്കാട്ടി ബി ജെ പി സംസ്ഥാന അദ്ധ്യക്ഷൻ കെ സുരേന്ദ്രൻ. ജനങ്ങളെ കബളിപ്പിക്കുന്ന പദ്ധതിയാണ് കെ ഫോൺ എന്നാണ് സുരേന്ദ്രൻ വ്യക്തമാക്കുന്നത്.എഐ ക്യാമറ ഇടപാടിനു പിന്നിൽ പ്രവർത്തിച്ചവരാണ് ഇതിനുപിന്നിൽ എന്നും സോളാർ കമ്മീഷൻ ഒരു പ്രഹസനമായിരുന്നുവെന്നും ബിജെപി അന്ന് ഇത് പറഞ്ഞപ്പോൾ ഇടതുമുന്നണി എതിർത്തുവെന്നും സുരേന്ദ്രൻ വ്യക്തമാക്കി.

സോളാർ സമരം തുടങ്ങി രണ്ടാം ദിവസം പിണറായിയും ഉമ്മൻ ചാണ്ടിയും തമ്മിൽ ഒത്തുതീർപ്പായെന്നും
പിണറായി ഇടപെട്ടതു കൊണ്ട് ഉമ്മൻ ചാണ്ടി രക്ഷപെട്ടുവെന്നും അദ്ദേഹം ആരോപിച്ചു.
അതിനു വേണ്ടിയാണ് യാതൊരു പ്രയോജനവുമില്ലാത്ത ജുഡീഷ്യൽ കമ്മീഷനെ വച്ചത്. പിഎം ആർഷോയുടെ ജയം സിപിഐഎം നേതാക്കൾ അറിഞ്ഞു കൊണ്ടുള്ള ഗൂഡാലോചനയാണെന്നും കെ സുരേന്ദ്രൻ കൂട്ടിച്ചേർത്തു.