ബ്രഹ്മപുരം തീപിടിത്തം ; അടിയന്തിര ഇടപെടൽ വേണമെന്ന ആവശ്യവുമായി കേന്ദ്ര ആരോഗ്യ മന്ത്രി മൻസുഖ്‌ മാണ്ഡവ്യയെ കണ്ട് യുഡിഎഫ് എം പിമാർ

കൊച്ചി : ബ്രഹ്മപുരം വിഷയത്തിൽ അടിയന്തിര ഇടപെടൽ വേണമെന്ന ആവശ്യവുമായി കേന്ദ്ര ആരോഗ്യ വകുപ്പ് മന്ത്രി മൻസുഖ്‌ മാണ്ഡവ്യയെ കണ്ട് യുഡിഎഫ് എംപിമാർ. ബ്രഹ്മപുരം മാലിന്യ പ്ലാന്റിലെ തീപിടിത്തത്തെ തുടർന്ന് കൂടുതൽ കേന്ദ്ര ഇടപെടൽ ആവശ്യപ്പെട്ടുകൊണ്ട് കേന്ദ്ര ആരോഗ്യ മന്ത്രിക്ക് എംപിമാർ നിവേദനം നൽകി.

ഹൈബി ഈഡൻ, ബെന്നി ബെഹന്നാൻ, കെ. മുരളീധരൻ, കൊടിക്കുന്നിൽ സുരേഷ്, എൻ കെ പ്രേമചന്ദ്രൻ, എം കെ രാഘവൻ, ടി എൻ പ്രതാപൻ, ആൻ്റോ ആൻ്റണി, ഡീൻ കുര്യാക്കോസ് എന്നിവരാണ് കേന്ദ്ര ആരോഗ്യ വകുപ്പ് മന്ത്രി മൻസുഖ്‌ മാണ്ഡവ്യക്ക് നിവേദനം നൽകിയത്. വിഷയത്തിൽ കേരളം സർക്കാരിന് ഗുരുതര വീഴ്ചയാണ് സംഭവിച്ചിരിക്കുന്നത്. ഇത്ര ദിവസമായിട്ടും വിഷയത്തിൽ പരിഹാരം കാണാൻ സർക്കാരിന് കഴിഞ്ഞിട്ടില്ല. വിഷപ്പുകയെ തുടർന്ന് കൊച്ചി നഗരത്തിലെ ജനങ്ങളിൽ നിരവധി ആരോഗ്യ പ്രശ്നങ്ങളും കണ്ടുവരുന്നുണ്ട്.