അമിത വേഗതയിലെത്തിയ സ്വകാര്യ ബസ് സ്കൂ​ട്ട​റി​ല്‍ ഇ​ടി​ച്ചു​ക​യ​റി; കോ​ന്നി​യി​ല്‍ അ​ച്ഛ​നും മ​ക​ള്‍​ക്കും ദാ​രു​ണാ​ന്ത്യം

പ​ത്ത​നം​തി​ട്ട: സ്കൂ​ട്ട​റി​ല്‍ സ്വകാര്യ ബ​സ് ഇ​ടി​ച്ച്‌ പ​ത്ത​നം​തി​ട്ട​യി​ല്‍ അ​ച്ഛ​നും മ​ക​ളും മ​രി​ച്ചു. കോ​ന്നി അ​രു​വാ​പ്പു​ലം സ്വ​ദേ​ശി പ്ര​സാ​ദ് (52), മ​ക​ള്‍ അ​നു പ്ര​സാ​ദ് (18) എ​ന്നി​വ​രാ​ണു മ​രി​ച്ച​ത്. വ്യാഴാഴ്ച ഉച്ചയ്ക്ക് 1.50 ന് എലിയറക്കല്‍ ജം​ഗ്ഷ​നിലാണ് അപകടം നടന്നത്.

പുനലൂരില്‍ നിന്നും പത്തനംതിട്ടക്ക് വരികയായിരുന്ന വേണാട് എന്ന സ്വകാര്യ ബസ് എതിരെ വന്ന സ്‌കൂട്ടറിലിടിക്കുകയായിരുന്നു. തുടര്‍ന്ന് ഇരുവരെയും വലിച്ചു കൊണ്ട് ബസ് ഏതാനും ദൂരം മുന്നോട്ടു പോയി. അനു സംഭവസ്ഥലത്തും പ്രസാദ് ആശുപത്രി കൊണ്ടു പോകുന്ന വഴിക്കമാണ് മരണമടഞ്ഞത്.

കോ​ഴ​ഞ്ചേ​രി സെ​ന്‍റ് തോ​മ​സ് കോ​ള​ജി​ലെ ബി​എ​സ് സി അ​വ​സാ​ന​വ​ര്‍​ഷ വി​ദ്യാ​ര്‍​ഥി​നി​യാ​ണ് അ​നു. പ്ര​സാ​ദ് ക​ഴി​ഞ്ഞ ദി​വ​സ​മാ​ണ് ദ​ക്ഷി​ണാ​ഫ്രി​ക്ക​യി​ല്‍​ നി​ന്നു നാ​ട്ടി​ലെ​ത്തി​യ​ത്.അതേസമയം സ്വകാര്യ ബസിന്റ അമിത വേഗതയും അശ്രദ്ധയുമാണ് അപകടത്തിന് കാരണമെന്ന് ദൃക്സാക്ഷികള്‍ പറഞ്ഞു.