സ്ഥാനാർത്ഥിയുടെ രണ്ടാം ഘട്ട പ്രചരണം; ഇന്ന് നടത്താനിരുന്ന നേതി നേതിയുടെ സെമിനാർ മാറ്റിവച്ചു; പുതിയ തീയതി ഉടൻ അറിയിക്കും

തിരുവനന്തപുരം : തിരുവനന്തപുരത്തെ വികസനപാതയിലേക്ക് നയിക്കാൻ എന്തൊക്കെയാണ് ചെയ്യേണ്ടത് ? എന്ന വിഷയത്തിൽ വിദഗ്ദ്ധർ പങ്കെടുക്കുന്ന അനന്തപുരിയുടെ ബൗദ്ധികക്കൂട്ടായ്മ നേതി നേതി ഇന്ന് നടത്താനിരുന്ന സെമിനാർ മാറ്റിവച്ചു. മുഖ്യപ്രഭാഷകനായി കേന്ദ്രമന്ത്രി രാജീവ് ചന്ദ്രശേഖർ എത്താനിരുന്ന പരിപാടി സ്ഥാനാർത്ഥിയുടെ രണ്ടാം ഘട്ട പ്രചരണത്തെ തുടർന്നാണ് മാറ്റി വച്ചത്. പുതിയ തീയതി ഉടനെ അറിയിക്കും.

കേരളത്തിന്റെ തലസ്ഥാന നഗരിയുടെ വികസനം താറുമാറായ അവസ്ഥയിലാണ്. വികസനങ്ങൾ നടപ്പാക്കേണ്ടവർ നോക്കുകുത്തികളായി നിൽക്കുമ്പോൾ തിരുവനന്തപുരം ഒരു പുരോഗതിയുമില്ലാതെ മുരടിക്കുകയാണ്. തിരുവനന്തപുരത്തെ വികസനപാതയിലേക്ക് നയിക്കാൻ എന്തൊക്കെയാണ് ചെയ്യേണ്ടത് ? മാറ്റം എവിടെനിന്ന് തുടങ്ങണം ? സമൂഹത്തിന്റെ ഭാവി ശോഭനമാക്കാൻ പൊതുസമൂഹം എങ്ങിനെ ഇടപെടണം ? ഈ പ്രാധാന്യമേറിയ വിഷയങ്ങളാണ് വ്യക്തതയുള്ള അഭിപ്രായ രൂപീകരണത്തിനുതകുംവിധം വിഷയ വിദഗ്ദ്ധരെ പങ്കെടുപ്പിച്ച് നേതി നേതി സെമിനാർ സംഘടിപ്പിച്ചിരുന്നത്.