കാനഡയിൽ കമ്പനിയുണ്ടെന്ന് വ്യാജപ്രചാരണം നടത്തിയെന്ന് വീണയുടെ പരാതി !ഷോൺ ജോർജിനെതിരെ കേസ്

മുഖ്യമന്ത്രി പിണറായി വിജയന്റെ മകൾ വീണ വിജയന്റെ പരാതിയിൽ ഷോൺ ജോർജിനെതിരെ പോലീസ് കേസ്. ഷോൺ ജോർജിനെതിരെയും ചില മാദ്ധ്യമങ്ങൾക്കെതിരെയുമാണ് തനിക്ക് കനേഡിയൻ കമ്പനിയുണ്ടന്ന് സൈബറിടങ്ങളിൽ വ്യാജ പ്രചരണം നടത്തിയെന്ന വീണ വിജയന്റെ പരാതിയിന്മേൽ കേസെടുത്തിയിരിക്കുന്നത്.അതേസമയം ജാമ്യം ലഭിക്കാവുന്ന വകുപ്പുകളാണ് ചുമത്തിയിരിക്കുന്നത്.

അച്ഛനും ഭർത്താവും സിപിഎം നേതാക്കളായതിനാൽ പിന്തുടർന്ന് ആക്രമിക്കുവെന്ന് വീണയുടെ പരാതിയിൽ ആരോപിക്കുന്നു. വീണയ്ക്ക് കനേഡിയൻ കമ്പനിയുണ്ടെന്ന് ഷോൺ ഫെയ്സ് ബുക്കിൽ പോസ്റ്റ് ചെയ്തിരുന്നു. ആരോപണമുണ്ടായതിന് പിന്നാലെ കമ്പനിയുടെ ലിങ്ക്ഡ് ഇൻ പ്രൊഫൈലിൽ തിരുത്തലുകൾ തിടുക്കപ്പെട്ട് വരുത്തിയിരുന്നു.