മലയാളികൾക്ക് കേന്ദ്ര സർക്കാരിന്റെ ക്രിസ്മസ് സമ്മാനം, യാത്രാക്ലേശത്തിന് പരിഹാരമായി ട്രെയിൻ മഴ! കേരളത്തിലേക്ക് ഇന്ന് മുതൽ 17 സ്പെഷ്യൽ ട്രെയിനുകൾ!

തിരുവനന്തപുരം: ക്രിസ്മസ് പുതുവത്സര അവധിയെത്തുടർന്ന് നാട്ടിലെത്താൻ കഴിയാതെപോയ ജനങ്ങളുടെ ആശങ്കയ്ക്ക് പരിഹാരവുമായി 17 സ്‌പെഷ്യൽ ട്രെയിനുകൾ ഇന്ന് മുതൽ ആരംഭിക്കും. 17 അധിക സർവീസുകളാണ് അനുവദിച്ചത്.ഇന്ന് മുതൽ മുതൽ ജനുവരി രണ്ട് വരെയാണ് സ്പെഷ്യൽ ട്രെയിനുകൾ സർവീസ് നടത്തുക.എറണാകുളം-ചെന്നൈ, എറണാകുളം- താംബരം, എറണാകുളം- വേളാങ്കണ്ണി, കൊല്ലം- ചെന്നൈ എഗ്മോർ റൂട്ടുകളിലാകും സർവീസ് നടത്തുക.22ന് എറണാകുളം ജംഗ്ഷനിൽ നിന്ന് ചെന്നൈയിലേക്ക് പുറപ്പെടുന്ന ട്രെയിനാണ് ആദ്യ സ്‌പെഷ്യൽ ട്രെയിൻ.

23-ന് ചെന്നൈ എഗ്മോർ- കൊല്ലം, ചെന്നൈ- എറണാകുളം ജംഗ്ഷൻ, 24ന് എറണാകുളം ജംഗ്ഷൻ- വേളാങ്കണ്ണി, 25ന് കൊല്ലം- ചെന്നൈ എഗ്മോർ, വേളാങ്കണ്ണി- എറണാകുളം ജംഗ്ഷൻ, 26-ന് ചെന്നൈ എഗ്മോർ- കൊല്ലം, എറണാകുളം ജംഗ്ഷൻ- താംബരം,27-ന് താംബരം- എറണാകുളം ജംഗ്ഷൻ, കൊല്ലം- ചെന്നൈ എഗ്മോർ, 28-ന് ചെന്നൈ എഗ്മോർ- കൊല്ലം, 29-ന് കൊല്ലം- ചെന്നൈ എഗ്മോർ, 30-ന് ചെന്നൈ എഗ്മോർ- കൊല്ലം, 31-ന് എറണാകുളം ജംഗ്ഷൻ- വേളാങ്കണ്ണി, ജനുവരി ഒന്നിന് കൊല്ലം- ചെന്നൈ- എഗ്മോർ, വേളാങ്കണ്ണി- എറണാകുളം ജംഗ്ഷൻ, രണ്ടിന് എറണാകുളം ജംഗ്ഷൻ- താംബരം എന്നിങ്ങനെയാണ് സർവീസ്.