പ്രതികരിക്കാൻ കെൽപ്പില്ലാതെ “കെട്ടുപോയ സൂര്യൻ” !!!മാദ്ധ്യമങ്ങൾക്ക് മുഖം കൊടുക്കാതെ മുഖ്യമന്ത്രി പിണറായി വിജയൻ; പി ബി യോഗത്തിനായി ദില്ലിയിലേക്ക് തിരിച്ചു

എറണാകുളം : നിലമ്പൂർ എംഎൽഎ പി വി അൻവർ നടത്തിയ കടുത്ത വിമർശനങ്ങളോട് പ്രതികരിക്കാതെ മുഖ്യമന്ത്രി പിണറായി വിജയൻ. മാദ്ധ്യമ പ്രവർത്തകരുടെ ചോ​ദ്യത്തിന് ഉത്തരം പറയാതെ മുഖ്യമന്ത്രി കാറിൽ കയറിപോവുകയായിരുന്നു. നേരത്തെആലുവയിലെ ​ഗസ്റ്റ് ഹൗസിൽ മാദ്ധ്യമപ്രവർത്തകരെ സുരക്ഷാവേലി തീർത്ത് ചോദ്യങ്ങൾ ചോദിക്കുന്നതിൽ നിന്ന് തടഞ്ഞു നിർത്തിയിരുന്നു. പി ബി യോഗത്തിനായി മുഖ്യമന്ത്രി ദില്ലിയിലേക്ക് തിരിച്ചു.

പാർട്ടിയെ വിലക്ക് കാറ്റിൽ പറത്തി നടത്തിയ നടത്തിയ വാർത്താസമ്മേളനത്തിൽ ആഭ്യന്തരവകുപ്പ് ഭരിക്കാൻ മുഖ്യമന്ത്രി യോ​ഗ്യനല്ലെന്നടക്കമുള്ള ​ഗുരുതര വിമർശനങ്ങളാണ് അൻവർ ഉന്നയിച്ചത്. അൻവറിനതിരെ ശക്തമായി പ്രതിരോധം തീർക്കാനാണ് സിപിഎം ആലോചന. അതേസമയം സ്വതന്ത്ര എംഎൽഎ ആയതിനാൽ സാങ്കേതിക നടപടികൾക്ക് സിപിഎമ്മിന് പരിമിതിയുണ്ട് എന്നതാണ് വസ്തുത. അൻവറിനൊപ്പമുള്ള സൈബർ സഖാക്കളെ എങ്ങനെ മടക്കിക്കൊണ്ട് വരും എന്നതും നിർണ്ണായകമാകും.