മുംബൈ ഭീകരാക്രമണത്തില് പങ്കുള്ള ലഷ്കര്-ഇ-തൊയ്ബ ഭീകരന് സാജിദ് മീറിനെ ആഗോള ഭീകരനായി പ്രഖ്യാപിക്കുന്നതിനായി ഇന്ത്യയും യുഎസും യുഎന്നിൽ നടത്തിയ നിർദ്ദേശം എതിർത്ത് ചൈന. യുഎന് രക്ഷാസമിതിയുടെ 1267 ലെ അല് ഖ്വയ്ദ ഉപരോധ സമിതിയുടെ കീഴില് സാജിദ് മീറിനെ കരിമ്പട്ടികയില് ഉള്പ്പെടുത്താനും ആസ്തി മരവിപ്പിക്കല്, യാത്രാ നിരോധനം, ആയുധ ഉപരോധം എന്നിവയ്ക്ക് വിധേയമാക്കാനുമായിരുന്നു ഇന്ത്യയും യുഎസും നിര്ദ്ദേശം നൽകിയത്. യുഎസ് മുന്നോട്ടുവെച്ച ശുപാര്ശയെ ഇന്ത്യ പിന്താങ്ങിയിരുന്നു.
കഴിഞ്ഞ വര്ഷം സെപ്റ്റംബറില്, യുഎന്നില് സാജിദ് മീറിനെ ആഗോള ഭീകരനായി പ്രഖ്യാപിക്കാനുള്ള നിര്ദ്ദേശത്തില് തീരുമാനമെടുക്കാതെ ചൈന തടഞ്ഞുവെച്ചിരുന്നു. ഇന്ത്യ ഏറ്റവും കൂടുതല് തിരയുന്ന ഭീകരരില് ഒരാളാണ് സാജിദ് മീര്. കൂടാതെ അമേരിക്ക സാജിദ് മീറിന്റെ തലയ്ക്ക് 5 മില്യണ് ഡോളര് പാരിതോഷികമായി പ്രഖ്യാപിച്ചിട്ടുണ്ട്. ജൂണില്, പാകിസ്താനിലെ തീവ്രവാദ വിരുദ്ധ കോടതി തീവ്രവാദത്തിന് ധനസഹായം നല്കിയ കേസില് സാജിദ് മീറിനെ 15 വര്ഷത്തെ തടവിന് ശിക്ഷിച്ചിരുന്നു.
നേരത്തെ സാജിദ് മീര് മരിച്ചതായി പാകിസ്താന് അധികാരികള് അവകാശപ്പെട്ടിരുന്നു. എന്നാല് ഇത് അംഗീകരിക്കാതിരുന്ന പാശ്ചാത്യ രാജ്യങ്ങള് മരണത്തിന് തെളിവ് ആവശ്യപ്പെട്ടു. 2008 നവംബറില് മുംബൈയില് നടന്ന ഭീകരാക്രമണത്തില് പങ്കുണ്ടെന്ന് കണ്ടെത്തിയ മീര് പാകിസ്താന് ആസ്ഥാനമായുള്ള ലഷ്കര് ഇ ടിയിലെ മുതിര്ന്ന അംഗമാണ്. ആക്രമണങ്ങളുടെ ആസൂത്രണത്തിലും തയ്യാറെടുപ്പിലും നിര്വ്വഹണത്തിലും പ്രധാന പങ്ക് വഹിച്ച ഇയാൾ ലഷ്കറിന്റെ ഓപ്പറേഷന്സ് മാനേജരായിരുന്നുവെന്ന് യുഎസ് സ്റ്റേറ്റ് ഡിപ്പാര്ട്ട്മെന്റ് സ്ഥിരീകരിച്ചിരുന്നു.
കോഴിക്കോട് : ബംഗ്ലാദേശിൽ ഹിന്ദു ന്യൂനപക്ഷങ്ങൾക്കെതിരെ തുടർച്ചയായി നടക്കുന്ന അതിക്രമങ്ങളിൽ കാശ്യപ വേദ റിസർച്ച് ഫൗണ്ടേഷൻ ശക്തമായ പ്രതിഷേധം രേഖപ്പെടുത്തി.…
നടിയെ ആക്രമിച്ച കേസിലെ അതിജീവിതയുടെ പേര് വെളിപ്പെടുത്തി രണ്ടാം പ്രതി മാർട്ടിൻ ആന്റണി പോസ്റ്റ് ചെയ്ത വീഡിയോ പ്രചരിപ്പിച്ചവർ പിടിയിലായി.…
തൃശ്ശൂർ : ചാമക്കാല കടപ്പുറത്ത് വാഹനാഭ്യാസത്തിനിടെ ജിപ്സി കാർ മറിഞ്ഞ് ഒൻപതാം ക്ലാസ് വിദ്യാർത്ഥിക്ക് ദാരുണാന്ത്യം . ചാമക്കാല രാജീവ്…
വാഷിങ്ടൺ ഡിസി : ചൊവ്വയുടെ അന്തരീക്ഷത്തെക്കുറിച്ചും അവിടെയുണ്ടായിരുന്ന ജലാംശം എങ്ങനെ നഷ്ടപ്പെട്ടു എന്നതിനെക്കുറിച്ചും പഠിക്കാൻ നിയോഗിക്കപ്പെട്ട നാസയുടെ 'മേവൻ' (Mars…
ഖുൽന: ബംഗ്ലാദേശിൽ രാഷ്ട്രീയ അസ്ഥിരതയും അക്രമപരമ്പരകളും തുടരുന്നതിനിടയിൽ പ്രമുഖ തൊഴിലാളി നേതാവും ഇന്ത്യാ വിരുദ്ധനുമായ മുഹമ്മദ് മൊതാലേബ് സിക്ദർ വെടിയേറ്റു…
ആധുനിക നിർമ്മാണ മേഖലയുടെ നട്ടെല്ല് എന്ന് വിശേഷിപ്പിക്കാവുന്നത് സിമന്റിനെയാണ്. കെട്ടിടങ്ങളുടെ ഉറപ്പിനും നഗരവൽക്കരണത്തിന്റെ ദ്രുതഗതിയിലുള്ള വളർച്ചയ്ക്കും സിമന്റ് നൽകിയ സംഭാവനകൾ…