പ്രതീകാത്മക ചിത്രം
വാഷിങ്ടൺ: അമേരിക്കയും ചൈനയും തമ്മിലുള്ള വ്യാപാര തർക്കം രൂക്ഷമായതോടെ അമേരിക്കയിലെ സോയാബീൻ കർഷകർ കടുത്ത സാമ്പത്തിക പ്രതിസന്ധിയിലേക്ക്. ഒരിക്കൽ അമേരിക്കൻ സോയാബീൻ കയറ്റുമതിയുടെ ഏറ്റവും വലിയ ഉപഭോക്താവായിരുന്ന ചൈന, അമേരിക്കൻ പ്രസിഡന്റ് ഡൊണാൾഡ് ട്രമ്പിന്റെ താരിഫ് നയങ്ങൾ കാരണം ചൈന ഓർഡറുകൾ നിർത്തിവെച്ചതാണ് പ്രതിസന്ധിക്ക് കാരണം.
മേരിലാൻഡിലെ കർഷകനായ ട്രാവിസ് ഹച്ചിസൺ തന്റെ പാടം വിളവെടുപ്പിന് ഒരുങ്ങുന്നതിനിടെ, ഉൽപാദനം മോശമല്ലെങ്കിലും വരുമാനം ഉറപ്പില്ലാത്ത അവസ്ഥയിലാണ്. “വ്യാപാര യുദ്ധം കാരണം സോയാബീൻ വില കുത്തനെ ഇടിഞ്ഞു,” 54-കാരനായ ഹച്ചിസൺ പറയുന്നു. കഴിഞ്ഞ മൂന്ന് വർഷത്തിനിടയിൽ സോയാബീൻ വില ഏകദേശം 40% കുറഞ്ഞു.
2024-ൽ അമേരിക്കയുടെ 24.5 ബില്യൺ ഡോളർ മൂല്യമുള്ള സോയാബീൻ കയറ്റുമതിയുടെ പകുതിയിലധികം വാങ്ങിയത് ചൈനയായിരുന്നു. എന്നാൽ ഈ വർഷം ചൈനയിലേക്കുള്ള കയറ്റുമതിയുടെ മൂല്യം 50 ശതമാനത്തിലധികം കുറഞ്ഞു. ആവശ്യകത കുറഞ്ഞതാണ് വിലയിടിവിന് പ്രധാന കാരണം.
ട്രമ്പ് തന്റെ രണ്ടാമൂഴത്തിൽ ചൈനീസ് ഉൽപ്പന്നങ്ങൾക്ക് താരിഫ് ഏർപ്പെടുത്തിയതിന് പിന്നാലെ, അമേരിക്കൻ സോയാബീനുകൾക്കുള്ള ചൈനയുടെ പ്രതികാര തീരുവ 20 ശതമാനമായി ഉയർന്നു. ഇതോടെ അമേരിക്കൻ സോയാബീനുകൾക്ക്വില വർധിച്ചു. അർജന്റീന പോലുള്ള രാജ്യങ്ങൾ സോയാബീനുൾപ്പെടെയുള്ള പ്രധാന വിളകളുടെ കയറ്റുമതി നികുതി നിർത്തിവെച്ചതും ചൈനീസ് ഉപഭോക്താക്കളെ അങ്ങോട്ട് ആകർഷിക്കാൻ കാരണമായി.
2018 മുതൽ 2019 വരെ പ്രതികാര തീരുവ കാരണം അമേരിക്കൻ കാർഷിക കയറ്റുമതിക്ക് 27 ബില്യൺ ഡോളറിലധികം നഷ്ടം സംഭവിച്ചിരുന്നു. അന്ന് കർഷകരെ സഹായിക്കാൻ സർക്കാർ 23 ബില്യൺ ഡോളർ ധനസഹായം നൽകി. എന്നാൽ ഇത്തവണ ഉയർന്ന സാമ്പത്തിക പ്രതിസന്ധിയിലാണ് കർഷകർ വ്യാപാര യുദ്ധത്തെ നേരിടുന്നത്. വിളകളിൽ നിന്നുള്ള വരുമാനം കുറഞ്ഞപ്പോൾ, ട്രമ്പിന്റെ പുതിയ താരിഫുകൾ കാരണം വളങ്ങൾക്കും ഉപകരണങ്ങൾക്കുമുള്ള ചെലവ് കുതിച്ചുയർന്നു.
ഈ വർഷം അമേരിക്കയിലെ കാർഷിക പാപ്പരത്തങ്ങൾ 2024-നെ അപേക്ഷിച്ച് ഏകദേശം 50 ശതമാനം വർധിച്ചതായി അയോവ സ്റ്റേറ്റ് യൂണിവേഴ്സിറ്റി പ്രൊഫസർ ചാഡ് ഹാർട്ട് അറിയിച്ചു.
ചൈനീസ് ഉൽപ്പന്നങ്ങൾക്ക് 100% അധിക താരിഫ് ചുമത്തുമെന്നും ചൈനീസ് പ്രസിഡന്റ് ഷി ജിൻപിങ്ങുമായുള്ള ചർച്ചകൾ റദ്ദാക്കുമെന്നും ട്രമ്പ് ഭീഷണിപ്പെടുത്തിയതിന് തൊട്ടുപിന്നാലെയാണ് ഈ വാർത്തകൾ പുറത്തുവരുന്നത്. സാമ്പത്തിക പ്രതിസന്ധി രൂക്ഷമാകുന്ന ഈ സമയത്ത് ഈ സംഭവവികാസങ്ങൾ അങ്ങേയറ്റം നിരാശാജനകമാണെന്ന് അമേരിക്കൻ സോയാബീൻ അസോസിയേഷൻ (ASA) പ്രസിഡന്റ് കാലേബ് റാഗ്ലാൻഡ് പ്രതികരിച്ചു.
വ്യാപാര നയങ്ങളെ പിന്തുണച്ചിരുന്ന കർഷകർ പോലും ഇപ്പോൾ നിലവിലെ സാമ്പത്തിക സാഹചര്യങ്ങളിൽ ആശങ്കയിലാണ്.
കേരളത്തിലെ തദ്ദേശ തെരഞ്ഞെടുപ്പ് ഫലത്തിൽ പ്രതികരിച്ച് ശശി തരൂർ എംപി .സംസ്ഥാനത്ത് യുഡിഎഫ് നേടിയ വിജയത്തോടൊപ്പം തിരുവനന്തപുരം കോർപറേഷനിലെ ബിജെപിയുടെ…
തദ്ദേശ സ്വയംഭരണ തെരഞ്ഞെടുപ്പിൽ ഇടതുപപക്ഷം തകർന്നടിയുന്നതിനിടെ വിവാദ പരാമര്ശവുമായി ഉടുമ്പൻചോല എംഎൽഎ എം.എം മണി. ക്ഷേമപെന്ഷനും മറ്റും വാങ്ങി നല്ല…
കൊച്ചി തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ മുനമ്പത്ത് ഉജ്ജ്വല ജയം നേടി എൻഡിഎ. വഖഫ് ഭൂമിയുടെ പേരിൽ സമരം നടന്ന…
കൊൽക്കത്ത : ഫുട്ബോൾ ഇതിഹാസം ലയണൽ മെസ്സിയുടെ പരിപാടിക്ക് പിന്നാലെ സാൾട്ട് ലേക്ക് സ്റ്റേഡിയത്തിലുണ്ടായ ആരാധക പ്രതിഷേധത്തിൽ പശ്ചിമ ബംഗാൾ…
ഇൻക്വിലാബ് മഞ്ചയുടെ വക്താവും കടുത്ത ഇന്ത്യാ വിരുദ്ധനായ ഷെരീഫ് ഉസ്മാൻ ബിൻ ഹാദിക്ക് വെടിയേറ്റു. ധാക്കയിലെ ബിജോയ്നഗർ ഏരിയയിൽ വെച്ച്…
ദിസ്പൂർ : പ്രശസ്ത ഗായകൻ സുബീൻ ഗാർഗിന്റെ ദുരൂഹ മരണക്കേസ് ഈ മാസം അവസാനത്തോടെ കേന്ദ്ര അന്വേഷണ ഏജൻസിക്ക് കൈമാറുമെന്ന്…