ഏഴാം ക്ലാസുകാരനെ തട്ടിക്കൊണ്ടുപോയി മദ്യം വായിലൊഴിച്ച് മർദ്ദിച്ചതായി പരാതി ! പിന്നിൽ സഹോദരനോട് വൈരാഗ്യമുള്ളവരാണെന്ന് കുടുംബം

പത്തനംതിട്ട : അടൂരില്‍ ഏഴാം ക്ലാസുകാരനെ തട്ടിക്കൊണ്ടുപോയി ബലമായി മദ്യം വായിലൊഴിച്ച് മർദ്ദിച്ചതായി പരാതി. കുട്ടിയുടെ പ്ലസ്‌വണ്‍ വിദ്യാർത്ഥിയായ സഹോദരനോട് വൈരാഗ്യമുള്ളവരാണ് സംഭവത്തിന് പിന്നിലെന്ന് പിതാവ് ആരോപിച്ചു. ഇന്നലെ രാത്രി 9 മണിക്ക് വീടിന്റെ പരിസരത്ത് നിന്നാണ് കുട്ടിയെ തട്ടിക്കൊണ്ടു പോയത്. സംഘം കുട്ടിയെ മർദ്ദിച്ചവശനാക്കിയ ശേഷം അവീടിന്റെ പരിസരത്ത് ഇറക്കിവിടുകയുമായിരുന്നു. ശേഷം വീട്ടുകാർ അടൂര്‍ ജനറല്‍ ആശുപത്രിയില്‍ പ്രവേശിപ്പിച്ചു.

എളമണ്ണ സ്‌കൂളിലെ പ്ലസ് വണ്‍ വിദ്യാർത്ഥിയാണ് കുട്ടിയുടെ സഹോദരന്‍. മർദ്ദനമേറ്റ വിദ്യാർത്ഥിയുടെ സഹോദരനും സഹപാഠികളും തമ്മില്‍ പ്രശ്‌നമുണ്ടായിരുന്നു. ഇത് അദ്ധ്യാപകര്‍ ഇടപെട്ട് ക്ലാസ് മുറിയില്‍ വെച്ച് തന്നെ പരിഹരിച്ചിരുന്നു. ഈ സംഘമാണ് തട്ടിക്കൊണ്ടുപോവലിന് പിന്നിലെന്ന് വീട്ടുകാര്‍ സംശയിക്കുന്നു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.