Featured

കോൺഗ്രസ് തുറന്നത് കൊള്ളയുടെ കടയും നുണകളുടെ കമ്പോളവുമെന്ന് മോദി !

കോൺഗ്രസിനെ കടന്നാക്രമിച്ച് പ്രധാനമന്ത്രി നരേന്ദ്രമോദി. കോൺഗ്രസിന്റെയും രാഹുൽ ഗാന്ധിയുടെയും ലക്ഷ്യം സ്‌നേഹത്തിന്റെ കടയല്ല മറിച്ച് കൊള്ളടിയ്ക്കാനുള്ള കട തുറക്കുകയാണെന്ന് പ്രധാനമന്ത്രി നരേന്ദ്ര മോദി തുറന്നടിച്ചു. രാജസ്ഥാനിലെ ബിക്കാനീറിൽ നടന്ന പൊതുറാലിയെ അഭിസംബോധന ചെയ്തു സംസാരിക്കുകയായിരുന്നു പ്രധാനമന്ത്രി. കൂടാതെ, രാജസ്ഥാനിൽ കോൺഗ്രസിന്റെ പരാജയം ഉറപ്പാണെന്നും പ്രധാനമന്ത്രി നരേന്ദ്രമോദി വ്യക്തമാക്കി. കോൺഗ്രസ് സർക്കാർ കാരണം ഏറ്റവും കൂടുതൽ ദുരിതമനുഭവിച്ചത് രാജസ്ഥാനിലെ കർഷകരാണ്. രാജസ്ഥാനിൽ കോൺഗ്രസ് അധികാരത്തിൽ വന്നതുമുതൽ അവർ ഒന്നും ചെയ്തിട്ടില്ലെന്നും നാല് വർഷമായി കോൺഗ്രസ് പാർട്ടിയും സർക്കാരും പരസ്പരം പോരടിക്കുക മാത്രമാണ് ചെയ്യുന്നതെന്നും നരേന്ദ്രമോദി തുറന്നടിച്ചു. കൂടാതെ, കോൺഗ്രസുകാർ പരസ്പരം കാലുവാരുകയാണെന്ന് പറഞ്ഞ പ്രധാനമന്ത്രി, രാജസ്ഥാനിൽ നിരവധി പദ്ധതികൾ നടപ്പിലാക്കൻ കേന്ദ്രം തീരുമാനിച്ചെങ്കിലും കോൺഗ്രസ് സർക്കാർ അതിനെയെല്ലാം തകിടം മറിച്ചുവെന്നും തുറന്നടിച്ചു.

അതേസമയം, ബിജെപി പ്രവർത്തകർ രാജസ്ഥാനിലെ ഓരോ വീട്ടിലും കേന്ദ്രസർക്കർ പദ്ധതിയുടെ നേട്ടങ്ങൾ എത്തിക്കുന്നതിലും കോൺഗ്രസ് അസ്വസ്ഥരാണ്. കാലങ്ങളായി സംസ്ഥാനത്തിന് ദോഷമല്ലാതെ മറ്റൊന്നും കോൺഗ്രസ് ചെയ്തിട്ടില്ലെന്നും രാജസ്ഥാനിൽ കാലാവസ്ഥയിലെ താപനില മാത്രമല്ല കോൺഗ്രസ് സർക്കാരിനെതിരെയുള്ള ജനങ്ങളുടെ കോപവും ഉയരുകയാണെന്ന് ജനങ്ങളുടെ ആവേശത്തിൽ നിന്നും മനസ്സിലാക്കാമെന്നും നരേന്ദ്രമോദി തുറന്നടിച്ചു. പൊതുജനങ്ങളുടെ കോപത്തിന്റെ താപനില ഉയരുമ്പോൾ അധികാരത്തിന്റെ ഹുങ്ക് കുറയാനും ശക്തി മാറാനും അധികം സമയം വേണ്ടിവരില്ലെന്നും പ്രധാനമന്ത്രി വ്യക്തമാക്കി. പതിറ്റാണ്ടുകളായി രാജസ്ഥാനിലെ ജനങ്ങൾക്ക് വികസനം നിഷേധിക്കപ്പെട്ടുവെന്ന് ഉദ്ഘാടന വേളയിൽ നരേന്ദ്രമോദി വ്യക്തമാക്കി. അതേസമയം, രാജസ്ഥാനിലെ ബിക്കാനീറിൽ അമൃത്സർ-ജാംനഗർ എക്സ്പ്രസ് വേയുടെ 500 കിലോമീറ്റർ ഭാഗം ഉൾപ്പെടെ 24,000 കോടി രൂപയുടെ നിരവധി വികസന പദ്ധതികളാണ് പ്രധാനമന്ത്രി ഉദ്ഘാടനം ചെയ്തത്.

B4 Admin

Recent Posts

103 കോടിയുടെ സ്വത്തുക്കൾ മരവിപ്പിച്ചതിന് പിന്നാലെ ഇ.ഡി നീക്കം: ആർ. പ്രേംകുമാറിനും കുടുംബത്തിനും സമൻസ്

ബി.എൽ.എം നിക്ഷേപ ക്രമക്കേട് കേസിൽ അന്വേഷണം കൂടുതൽ ശക്തമാക്കി എൻഫോഴ്‌സ്‌മെന്റ് ഡയറക്ടറേറ്റ്. സ്ഥാപനത്തിന്റെ സ്ഥാപക ചെയർമാൻ ആർ. പ്രേംകുമാറിനും കുടുംബാംഗങ്ങൾക്കും…

3 hours ago

ഇറാന്റെ മിസൈൽ കരുത്ത് അമേരിക്കയ്ക്ക് ഇപ്പോഴും തലവേദന; ട്രംപിന്റെ അവകാശവാദങ്ങൾക്കിടയിൽ പുതിയ ഇന്റലിജൻസ് റിപ്പോർട്ട്

ഇറാന്റെ സൈനികശേഷി പൂർണമായും തകർത്തുവെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ അവകാശവാദങ്ങൾക്കിടെ പുതിയ വെളിപ്പെടുത്തലുമായി യുഎസ് ഇന്റലിജൻസ് റിപ്പോർട്ട്. അമേരിക്കയുടെയും…

4 hours ago

ഇതാണോ പണത്തിന്റെ ഹുങ്ക്? സൂഹൈലിനെ പൊതിഞ്ഞ് കാറിൽ കയറ്റിയുള്ള മടക്കം

ബോസ്റ്റൽ സ്കൂളിൽ നിന്ന് പുറത്തിറങ്ങിയ സൂഹൈലിന്റെ ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകർക്ക് നേരെ ബന്ധുക്കളുടെയും സുഹൃത്തുക്കളുടെയും പരാക്രമം. ക്യാമറയ്ക്ക് മുന്നിൽ…

6 hours ago

വൈദ്യുതി വാങ്ങൽ വിവാദം: രാജമാണിക്യത്തിന്റെ ഇരട്ടപ്പദവിയും ദുരൂഹ കത്തും സർക്കാരിന് മുന്നിൽ നിർണായക ചോദ്യങ്ങൾ

കേരളത്തിലെ വൈദ്യുതി വാങ്ങൽ ഇടപാടുമായി ബന്ധപ്പെട്ട വിവാദം പുതിയ തലത്തിലേക്ക്. മുൻ കെ.എസ്.ഇ.ബി ചെയർമാനും ഊർജവകുപ്പ് സെക്രട്ടറിയുമായിരുന്ന ജി. രാജമാണിക്യത്തിന്റെ…

7 hours ago

കുൽഗാമിൽ സുരക്ഷാസേനയുടെ തിരിച്ചടി: സിആർപിഎഫ് ക്യാമ്പ് ആക്രമണവുമായി ബന്ധമുള്ള ലഷ്കർ ഭീകരർ ഏറ്റുമുട്ടലിൽ കൊല്ലപ്പെട്ടു

ജമ്മു കശ്മീരിലെ കുൽഗാമിൽ സിആർപിഎഫ് ക്യാമ്പിന് നേരെയുണ്ടായ ഭീകരാക്രമണവുമായി ബന്ധമുള്ള രണ്ട് ലഷ്കർ-ഇ-ത്വയ്ബ ഭീകരരെ സുരക്ഷാസേന ഏറ്റുമുട്ടലിൽ വധിച്ചു. നവംബർ…

7 hours ago

ജെം ഗ്രാനൈറ്റ്സ് പോക്സോ കേസ്: മുൻ ചെന്നൈ പോലീസ് കമ്മീഷണർ അരുണ്‍ ഐപിഎസ് ഉൾപ്പെടെ ഏഴ് പോലീസ് ഉദ്യോഗസ്ഥർക്കെതിരെ എസ്ഐടി കേസ്

തമിഴ്നാട്ടിൽ ജെം ഗ്രാനൈറ്റ്സ് ഉടമ ആർ. വീരമണിക്കെതിരായ പോക്സോ കേസുകളുടെ അന്വേഷണത്തിൽ നിർണായക വഴിത്തിരിവ്. കേസിൽ വീഴ്ച വരുത്തിയെന്ന ആരോപണത്തെ…

7 hours ago