ഉത്തർപ്രദേശിലെ ബസ്തി ജില്ലയിലെ മദ്രസയിൽ പഠിക്കുന്ന പ്രായപൂർത്തിയാകാത്ത വിദ്യാർത്ഥികളെക്കൊണ്ട് മതപഠന സ്ഥാപനത്തിലെ മൗലവി തന്റെ സ്വകാര്യ ഭാഗങ്ങൾ കഴുകിച്ചതായി പരാതി. അബ്ദുൾ ഹഫീസ് എന്ന മൗലവിക്കെതിരെയാണ് ഗുരുതര ആരോപണം ഉയർന്നിരിക്കുന്നത്.
മലമൂത്ര വിസർജനത്തിന് ശേഷം പിൻഭാഗം കഴുകാൻ മൗലവിയും ആവശ്യപ്പെടാറുണ്ടെന്ന് ഒരു വിദ്യാർത്ഥി ആരോപിച്ചു. നിർദ്ദേശങ്ങൾ നിരസിച്ചാൽ വിദ്യാർത്ഥികളെ ഇയാൾ ഭീഷണിപ്പെടുത്താറുണ്ടായിരുന്നുവെന്നും കുട്ടി പറഞ്ഞു
മൗലവിക്കെതിരെ കർശന നടപടി ആവശ്യപ്പെട്ട് ഗ്രാമവാസികൾ ജില്ലാ പോലീസ് സൂപ്രണ്ടിന് പരാതി നൽകി. പരാതിയിൽ പോലീസ് അന്വേഷണം ആരംഭിച്ചു. അതേസമയം, ആരോപണങ്ങൾ മൗലാന നിഷേധിച്ചു. ആരോപണങ്ങൾ അടിസ്ഥാനരഹിതമാണെന്നും പരാതിക്കാർക്കെതിരെ നിയമനടപടി സ്വീകരിക്കുമെന്നുമാണ് മൗലവി പറയുന്നത്
ബസ്തി ജില്ലയിലെ മുണ്ടെർവ പോലീസ് സ്റ്റേഷൻ പരിധിയിലാണ് സംഭവം. പർസ ഹജ്ജാം ഗ്രാമത്തിൽ അറബിയ ശംസുൽ ഉലൂം എന്ന പേരിൽ ഒരു മദ്രസ വളരെക്കാലമായി പ്രവർത്തിക്കുന്നുണ്ട്. ഗ്രാമത്തിൽ നിന്നും പരിസര പ്രദേശങ്ങളിൽ നിന്നുമുള്ള നിരവധി പ്രായപൂർത്തിയാകാത്ത കുട്ടികൾ മത വിദ്യാഭ്യാസം നേടുന്നതിനായി ഈ മദ്രസയിലാണ് എത്തിയിരുന്നത്. മൂന്ന് വർഷങ്ങൾക്ക് മുമ്പാണ് ഈ മദ്രസയിൽ അദ്ധ്യാപകനായി അബ്ദുൾ ഹഫീസ് എത്തുന്നത്. ഇയാൾക്കെതിരെ നേരത്തെയും കുട്ടികൾ പരാതിപ്പെട്ടിരുന്നു.
ബിഹാർ സ്വദേശിയായ കുട്ടിയാണ് ഇപ്പോൾ പരാതിയുമായി മുന്നോട്ട് വന്നിരിക്കുന്നത്. മലമൂത്ര വിസർജനം കഴിഞ്ഞ് തിരിച്ചെത്തിയ ശേഷം അബ്ദുൾ ഹഫീസ് കുട്ടികളെ തൻ്റെ പിൻഭാഗം കഴുകാൻ പ്രേരിപ്പിച്ചതായി കുട്ടി വീട്ടിൽ അറിയിച്ചതോടെയാണ് സംഭവം പുറത്തായത്. മൗലവി തന്നെ പീഡനത്തിനിരയാക്കിയതായും തനിക്ക് ഇനിയും മദ്രസയിൽ തുടരാൻ സാധിക്കില്ലെന്നും കുട്ടി പറഞ്ഞു. പരാതിയുമായി മുന്നോട്ടു പോയതിനാൽ തങ്ങളെ കുടുക്കാനുള്ള ഗൂഢാലോചന മൗലവി നടത്തുമെന്ന ഭയവും ഗ്രാമവാസികൾക്കുണ്ട്. അബ്ദുൾ ഹഫീസ് കൗശലക്കാരനാണെന്നും, ഗ്രാമവാസികൾക്കിടയിൽ സംഘർഷമുണ്ടാക്കാൻ അയാൾ ആഗ്രഹിക്കുന്നുവെന്നും ഗ്രാമവാസികൾ പറഞ്ഞു.
അതേസമയം മാദ്ധ്യമങ്ങളോട് സംസാരിക്കവെ മൗലവി അബ്ദുൾ ഹഫീസ് തനിക്കെതിരായ ആരോപണങ്ങൾ അടിസ്ഥാനരഹിതമാണെന്നാണ് പറയുന്നത്. തന്നെ അപകീർത്തിപ്പെടുത്താനും മദ്രസയുടെ സൽപ്പേരിന് കളങ്കമുണ്ടാക്കാനുമുള്ള ഗൂഢാലോചനയാണിതെന്നും അയാൾ പറഞ്ഞു. തൻ്റെ സത്പേരിന് കളങ്കം വരുത്തുന്നവർക്കെതിരെ വക്കീൽ നോട്ടീസ് അയക്കുമെന്ന് അയാൾ കൂട്ടിച്ചേർത്തു. ഇതിനിടെ ഈ മദ്രസയിൽ പഠിക്കുന്ന വിദ്യാർത്ഥികളുടെ രക്ഷിതാക്കൾ കുട്ടികളെ കൊണ്ടുപോകാൻ പ്രദേശത്ത് എത്തിയിട്ടുണ്ട്.
വൈദ്യുതി വാങ്ങൽ തീരുമാനങ്ങളെച്ചൊല്ലി സർക്കാരിനുള്ളിൽ ഉയർന്ന ഭിന്നത ഭരണതലത്തിലെ ഏകോപനക്കുറവിലേക്കും രാഷ്ട്രീയ പ്രതിസന്ധിയിലേക്കും നീങ്ങുന്നതിനിടെയാണ് നിർണായക ഇടപെടലുണ്ടായത്. ജി.എൻ.എയുമായുള്ള വൈദ്യുതി…
ആഗോളതലത്തിൽ ഭാരതത്തിലേക്കുള്ള വിനോദസഞ്ചാരം, വ്യാപാരം, ചികിത്സ, ഉന്നതവിദ്യാഭ്യാസം എന്നിവയെ പ്രോത്സാഹിപ്പിക്കുന്നതിനായി കേന്ദ്ര ആഭ്യന്തര മന്ത്രാലയം വിസ നടപടിക്രമങ്ങളിൽ വിപ്ലവകരമായ പരിഷ്കാരങ്ങൾ…
കേരളത്തിന്റെ സാംസ്കാരിക ചരിത്രത്തിൽ സമാനതകളില്ലാത്ത സാമൂഹിക മാറ്റത്തിന് വഴിതുറന്ന ചരിത്രപ്രസിദ്ധമായ ക്ഷേത്രപ്രവേശന വിളംബരത്തിന് ഇന്ന് തൊണ്ണൂറ്റാണ്ട് തികയുന്നു. ജാതിവ്യവസ്ഥയുടെയും അടിയുറച്ച…
പ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ ദീപാവലി പൊങ്കാല ഭക്തിനിർഭരമായി നടത്തുന്നതിനുള്ള മുന്നൊരുക്കങ്ങൾ ചർച്ച ചെയ്യുന്നതിനായുള്ള അവലോകന യോഗം നാളെ നടക്കും.…
ഉത്തർപ്രദേശിലെ ബാഗ്പത് ജില്ലയിൽ ദീപാവലി ആഘോഷത്തിനിടെ പടക്കം പൊട്ടിച്ചതിനെച്ചൊല്ലിയുണ്ടായ തർക്കം വെടിവെപ്പിൽ കലാശിച്ചു. രാഷ്ട്രപതിയുടെ അംഗരക്ഷക സംഘമായ പ്രസിഡന്റ്സ് ബോഡിഗാർഡിൽ…
പ്രതിരോധമന്ത്രി രാജ്നാഥ് സിങ് ദീപാവലി ദിനത്തിൽ ഇന്ത്യൻ സൈനികരുടെ മനോവീര്യം കുറഞ്ഞിരിക്കുകയാണെന്ന് പറഞ്ഞെന്ന തരത്തിൽ സമൂഹമാധ്യമങ്ങളിൽ പ്രചരിച്ച വീഡിയോ വ്യാജമെന്ന്…