പാചകവാതക സിലിണ്ടറിന്റെ നോബിളിൽ തകരാറ്;ചേർത്തലയിൽ വീടും വീട്ടുപകരണങ്ങളും പൂർണ്ണമായി കത്തി നശിച്ചു;ആളപായമില്ല

ചേർത്തല: പാചകവാതക സിലിണ്ടറിൽ നിന്നും തീപടർന്ന് വീടും വീട്ടുപകരണങ്ങളും കത്തി നശിച്ചു.
ചേർത്തല നഗരസഭ 18-ാം വാർഡ് ആഞ്ഞിലിപ്പാലത്തിനുസമീപം മധുരവേലി ബാബുവിന്റെ വീടാണ് കത്തിനശിച്ചത്. പാചകവാതക സിലിണ്ടറിന്റെ നോബിന്റെ തകരാറാണ് അപകടത്തിന് കാരണമെന്ന് സംശയം.

ഓട്ടോ ഡ്രൈവറായ ബാബുവും ഭാര്യ അംബികയും ഈ സമയത്ത് വീട്ടിലില്ലാതെയിരുന്നതിനാൽ ആളപായം ഉണ്ടായില്ല.പരിസരവാസികൾ ചേർന്ന് തീയണയ്ക്കാൻ ശ്രമിച്ചെങ്കിലും കാര്യമായ പ്രയോജനമുണ്ടായില്ല. അഗ്നിശമനസേന എത്തിയാണ് തീയണച്ചത്. പോലീസും സ്ഥലത്തെത്തിയിരുന്നു.