ഗാഡ്ജറ്റുകളിൽ പെഗാസസ് ബാധിച്ചെന്ന് സംശയമുള്ളവർ അറിയിക്കണമെന്ന് സുപ്രീം കോടതി നിയോഗിച്ച സാങ്കേതിക സമിതി

ഇസ്രായേൽ കമ്പനിയായ NSO ഗ്രൂപ്പിന്റെ പെഗാസസ് സോഫ്‌റ്റ്‌വെയർ കാരണം തങ്ങളുടെ മൊബൈൽ ഫോൺ വിവരങ്ങൾ അപഹരിക്കപ്പെട്ടതായി സംശയിക്കുന്ന ഏതൊരു ഇന്ത്യൻ പൗരനും ബഹുമാനപ്പെട്ട സുപ്രീം കോടതി നിയോഗിച്ച സാങ്കേതിക സമിതിയെ ബന്ധപ്പെടാൻ കമ്മിറ്റി അറിയിപ്പ് പ്രസിദ്ധീകരിച്ചു. നിങ്ങളുടെ ഉപകരണത്തിൽ പെഗാസസ് സോഫ്റ്റ്‌വെയർ ബാധിച്ചിരിക്കാമെന്ന് നിങ്ങൾ വിശ്വസിക്കുന്നത് എന്തുകൊണ്ടാണെന്നും നിങ്ങളുടെ ഉപകരണം പരിശോധിക്കാൻ സാങ്കേതിക സമിതിയെ അനുവദിക്കാൻ നിങ്ങൾക്ക് കഴിയുമോ എന്നും വ്യക്തമാക്കാനും അറിയിപ്പ് പറയുന്നു.

പെഗാസസ് സ്പൈവെയർ അഴിമതിയെക്കുറിച്ച് അന്വേഷിക്കാൻ കഴിഞ്ഞ വർഷം ഒക്ടോബർ 27ന് സുപ്രീം കോടതി മൂന്നംഗ സമിതിയെ നിയോഗിച്ചിരുന്നു. ഇസ്രയേലി സ്പൈവെയർ ഉപയോഗിച്ച് പൗരന്മാരുടെ വിവരങ്ങൾ ചോർത്തുന്നു എന്ന് ആരോപിച്ച് ഹർജിക്കാർ സുപ്രീം കോടതിയെ സമീപിച്ചിരുന്നു. ഗാന്ധിനഗർ നാഷണൽ ഫോറൻസിക് സയൻസ് യൂണിവേഴ്‌സിറ്റി ഡീൻ ഡോ.നവീൻ കുമാർ ചൗധരി ഡോ പ്രഭാഹരൻ പി, പ്രൊഫസർ, അമൃത വിശ്വവിദ്യാപീഠം, കേരളം; ഡോ അശ്വിൻ അനിൽ ഗുമാസ്‌റ്റെ, ഇൻസ്റ്റിറ്റ്യൂട്ട് ചെയർ അസോസിയേറ്റ് പ്രൊഫസർ, ഐഐടി, ബോംബെ എന്നിവരാണ് പാനലിലെ അംഗങ്ങൾ.

കാബിനറ്റ് മന്ത്രിമാർ, അഭിഭാഷകർ, ജഡ്ജിമാർ, പത്രപ്രവർത്തകർ എന്നിവരുൾപ്പെടെ രാജ്യത്തെ ചില പൗരന്മാരെ ഒളിഞ്ഞുനോക്കാൻ എൻഎസ്ഒ പെഗാസസ് സ്പൈവെയർ ഉപയോഗിച്ചിട്ടുണ്ടോയെന്ന് കമ്മിറ്റി കണ്ടെത്തുമെന്ന് പ്രതീക്ഷിക്കുന്നു. ഇസ്രായേൽ ആസ്ഥാനമായുള്ള എൻഎസ്ഒയുടെ സ്നൂപ്പിംഗ് സോഫ്‌റ്റ്‌വെയറായ പെഗാസസ് സ്‌പൈവെയർ രാജ്യത്തെ പല ഉപകരണങ്ങളിലും ഇൻസ്റ്റാൾ ചെയ്തതായി സംശയിക്കുന്നു. എൻഎസ്ഒ തങ്ങളുടെ ഉൽപ്പന്നങ്ങൾ സർക്കാരുകൾക്ക് മാത്രമേ വിൽക്കുന്നുള്ളൂവെന്നും അതും ദേശീയ സുരക്ഷാ ആവശ്യങ്ങൾക്ക് ഉപയോഗിക്കുമെന്ന വ്യവസ്ഥയിലാണ്. കേന്ദ്ര സർക്കാരോ ഏതെങ്കിലും സംസ്ഥാന സർക്കാരോ എൻഎസ്ഒയുടെ സേവനം ഉപയോഗിച്ചിട്ടുണ്ടോയെന്ന് കമ്മിറ്റിയുടെ അന്വേഷണമുണ്ടാകും