പ്രതിപക്ഷ നേതാവ് വി ഡി സതീശന് മൂന്നാം തവണയും കോവിഡ്

തിരുവനന്തപുരം: പ്രതിപക്ഷ നേതാവ് വി ഡി സതീശന് മൂന്നാം തവണയും കോവിഡ്(VD Satheesan covid). ഫേസ്ബുക്കിലൂടെ അദ്ദേഹം തന്നെയാണ് ഇക്കാര്യം അറിയിച്ചത്. ആരോഗ്യപ്രശ്‌നങ്ങൾ ഒന്നുമില്ല. കഴിഞ്ഞ ദിവസങ്ങളിൽ താനുമായി സമ്പർക്കത്തിൽ വന്നവർ ശ്രദ്ധിക്കണമെന്നും പ്രതിപക്ഷ നേതാവ് ഫേസ്ബുക്ക് കുറിപ്പിൽ പറയുന്നു.

അതേസമയം ഒരാഴ്ചത്തേക്ക് പ്രതിപക്ഷ നേതാവിന്റെ എല്ലാ ഔദ്യോഗിക പരിപാടികളും റദ്ദാക്കിയതായി അദ്ദേഹത്തിന്റെ ഓഫീസ് അറിയിച്ചു. ഇത് മൂന്നാം തവണയാണ് വി ഡി സതീശന് കോവിഡ് സ്ഥിരീകരിക്കുന്നത്. ഇതിനുമുൻപും രണ്ടുതവണ അദ്ദേഹത്തിന് രോഗം സ്ഥിരീകരിച്ചിരുന്നു. അതേസമയം മുഖ്യമന്ത്രിയുടെ നേതൃത്വത്തില്‍ കോവിഡ് അവലോകനയോഗം ഇന്ന് സംസ്ഥാനത്ത് ചേരും. കോവിഡ് നിയന്ത്രണങ്ങള്‍ തുടരണോ എന്ന കാര്യത്തില്‍ തീരുമാനമുണ്ടാകും. സംസ്ഥാനത്ത് കോവിഡ് കേസുകള്‍ കുറയുന്ന സാഹചര്യത്തില്‍ വാരാന്ത്യ നിയന്ത്രണം പിന്‍വലിക്കാനാണ് സാധ്യത.