മഹാമാരിയെ മറികടന്ന് രാജ്യം: പ്രതിദിനരോഗികൾ കുറയുന്നു; 24 മണിക്കൂറിനിടെ 7,554 പേർക്ക് മാത്രം കോവിഡ്

ദില്ലി: കോവിഡ് മഹാമാരിയെ മറികടന്ന് രാജ്യം(Covid India). പ്രതിദിനരോഗികളുടെ എണ്ണത്തിൽ കുറവ്. കഴിഞ്ഞ 24 മണിക്കൂറിനിടെ 7,554 പേർക്ക് മാത്രമാണ് രോഗം സ്ഥിരീകരിച്ചത്. 14,123 പേർ രോഗമുക്തി നേടുകയും ചെയ്തു. കഴിഞ്ഞ 24 മണിക്കൂറിടെ കോവിഡിനെ തുടർന്നുള്ള 223 മരണങ്ങൾ സ്ഥിരീകരിച്ചു. ഇതോടെ രാജ്യത്തെ ആകെ മരണം 5,14,246 ആയി ഉയർന്നു.

അതേസമയം കോവിഡ് വ്യാപനം ആരംഭിച്ചതിന് ശേഷം ഇതുവരെ 85,680 പേരാണ് രോഗമുക്തി നേടിയത്. രാജ്യത്തെ സജീവ കേസുകളുടെ എണ്ണം ഒരു ലക്ഷത്തിൽ താഴെയായി തുടരുകയാണ്. നിലവിൽ 85,680 പേരാണ് കോവിഡിനെ തുടർന്ന് ചികിത്സയിലുള്ളത്. രോഗമുക്തരുടെ എണ്ണം വർദ്ധിക്കുന്ന സാഹചര്യത്തിൽ വരും ദിവസങ്ങളിൽ സജീവ കേസുകളുടെ എണ്ണം വീണ്ടും കുറയുമെന്നാണ് വിലയിരുത്തൽ. പ്രതിരോധ വാക്‌സിനേഷൻ ആരംഭിച്ചതിന് പിന്നാലെ ഇതുവരെ 17.77 കോടി പേർക്കാണ് വാക്‌സിൻ വിതരണം ചെയ്തത്.

കേരളത്തിലും രോഗവ്യാപനം കുറയുകയാണ്. 2,846 പേര്‍ക്ക് മാത്രമാണ് സംസ്ഥാനത്ത് ഇന്നലെ കോവിഡ് സ്ഥിരീകരിച്ചത്. തിരുവനന്തപുരം 486, എറണാകുളം 436, കോട്ടയം 314, കൊല്ലം 249, തൃശൂര്‍ 232, കോഴിക്കോട് 198, പത്തനംതിട്ട 189, ഇടുക്കി 157, മലപ്പുറം 115, പാലക്കാട് 114, കണ്ണൂര്‍ 113, വയനാട് 112, ആലപ്പുഴ 111, കാസര്‍ഗോഡ് 20 എന്നിങ്ങനെയാണ് ജില്ലകളിലെ രോഗബാധാ നിരക്ക്.