കേരളത്തിൽ കോവിഡ് വ്യാപനം അതിരൂക്ഷം; സംസ്ഥാനത്ത് ഞായറാഴ്ച സമ്പൂർണ്ണ ലോക്ക്ഡൗൺ; നിയന്ത്രണങ്ങൾ ട്രിപ്പിൽ ലോക്ക്ഡൗണിന് സമാനം

തിരുവനന്തപുരം: കേരളത്തിൽ കോവിഡ് വ്യാപനം അതിരൂക്ഷമായി വർധിക്കുന്ന സാഹചര്യത്തിൽ നിയന്ത്രണങ്ങൾ കടുപ്പിച്ച് സർക്കാർ. സംസ്ഥാനത്ത് ഞായറാഴ്ച സമ്പൂർണ്ണ അടച്ചിടൽ പ്രഖ്യാപിച്ചു.
നിയന്ത്രണങ്ങൾ ട്രിപ്പിൾ ലോക്ക്ഡൗണിന് സമാനമായിരിക്കും എന്നും സർക്കാർ അറിയിച്ചിട്ടുണ്ട്.

കോവിഡ് കുറയാതെ നിൽക്കുന്ന സാഹചര്യത്തിൽ രോഗവ്യാപനം കുറയ്ക്കാനുള്ള മാർഗ്ഗങ്ങൾ വിലയിരുത്താൻ നാളെ മുഖ്യമന്ത്രിയുടെ നേതൃത്വത്തിൽ അവലോകന യോഗം ചേരുകയും, യോഗത്തിൽ കൂടുതൽ നിയന്ത്രണങ്ങൾ പ്രഖ്യാപിച്ചേക്കും എന്നാണ് ആരോഗ്യ വകുപ്പ് അധികൃതർ അറിയിച്ചിരിക്കുന്നത് .

അതേസമയം കേരളത്തിൽ കഴിഞ്ഞ കുറച്ചു ദിവസങ്ങളിലായി കോവിഡ് വ്യാപനം കുതിച്ചുയരുകയാണ്. മുപ്പതിനായിരം പേർക്കാണ് കഴിഞ്ഞ രണ്ട് ദിവസങ്ങളിൽ രോഗം ബാധിച്ചത്. പത്തൊൻപത് ശതമാനത്തിന് മുകളിലാണ് ടിപിആർ. സംസ്ഥാനത്തെ ആകെ കോവിഡ് മരണങ്ങൾ ഇരുപതിനായിരം പിന്നിട്ടു കഴിഞ്ഞു.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona