ഒരുപാട് വിദ്യാർത്ഥികൾക്ക് അറിവും സ്നേഹവും കരുതലും നൽകിയ കൊല്ലം കുഴിത്തുറ ഗവ. ഹയര് സെക്കന്ഡറി സ്കൂളിലെ അദ്ധ്യാപിക ബി ഡാലിയ ടീച്ചർ (47) ഇനി ആറ് പേരിലൂടെ ജീവിക്കും.
മസ്തിഷ്ക മരണമടഞ്ഞതിനെ തുടര്ന്ന് ബന്ധുക്കള് അവയവദാനത്തിന് സന്നദ്ധത അറിയിക്കുകയായിരുന്നു. ഹൃദയവും, രണ്ട് വൃക്കകളും കരളും രണ്ട് കണ്ണുകളും ഉള്പ്പെടെ 6 അവയവങ്ങളാണ് ദാനം ചെയ്തത്.
ഹൃദയ സംബന്ധമായ രോഗത്തെ തുടര്ന്ന് തിരുവനന്തപുരം ശ്രീ ചിത്ര തിരുനാള് ഇന്സ്റ്റിറ്റ്യൂട്ട് ഫോര് മെഡിക്കല് സയന്സസ് ആന്റ് ടെക്നോളജിയില് ചികിത്സയിലുള്ള തൃശൂര് ചാവക്കാട് സ്വദേശിനി 14 വയസുകാരിയ്ക്കാണ് ടീച്ചറുടെ ഹൃദയം മാറ്റിവച്ചത്. ശ്രീ ചിത്ര തിരുനാള് ഇന്സ്റ്റിറ്റ്യൂട്ടിലെ ആദ്യത്തെ ഹൃദയം മാറ്റിവയ്ക്കല് ശസത്രക്രിയയ്ക്കാണ് സാക്ഷ്യം വഹിച്ചത്. സര്ക്കാര് മേഖലയില് കോട്ടയം മെഡിക്കല് കോളേജില് മാത്രമാണ് ഇതുവരെ ഹൃദയം മാറ്റിവയ്ക്കല് ശസ്ത്രക്രിയകള് നടത്തിയിരുന്നത്.
തിരുവനന്തപുരത്തെ സ്വകാര്യ ആശുപത്രിയില് നിന്ന് ഇന്നലെ രാവിലെ 11.30നാണ് അവയവം ശ്രീചിത്രയില് എത്തിച്ചത്. ഒരു വൃക്ക തിരുവനന്തപുരം മെഡിക്കല് കോളേജിലെ രോഗിയ്ക്കും ഒരു വൃക്കയും കരളും ഡാലിയ ടീച്ചര് ചികിത്സയിലിരുന്ന ആശുപത്രിയിലെ രോഗികള്ക്കും നേത്രപടലങ്ങള് തിരുവനന്തപുരം സര്ക്കാര് കണ്ണാശുപത്രിയിലെ രോഗികള്ക്കുമാണ് നല്കിയത്.
ജൂലൈ 19ന് വെള്ളിയാഴ്ചയാണ് തലച്ചോറിലെ രക്തസ്രാവത്തെ തുടര്ന്ന് ഡാലിയ ടീച്ചറെ തിരുവനന്തപുരത്തെ സ്വകാര്യ ആശുപത്രിയില് പ്രവേശിപ്പിച്ചത്. ഞായറാഴ്ച വൈകീട്ടോടെ മസ്തിഷ്ക മരണം സ്ഥിരീകരിക്കുകയായിരുന്നു. തുടര്ന്ന് ജലസേചന വകുപ്പില് സീനിയര് ക്ലര്ക്കായ ഭര്ത്താവ് ജെ ശ്രീകുമാറും മക്കളായ ശ്രീദേവന്, ശ്രീദത്തന് എന്നിവരും ചേര്ന്ന് അവയവദാനത്തിന് സമ്മതം നല്കി.
വേദനയിലും അവയവങ്ങള് ദാനം ചെയ്യാന് തയ്യാറായ ബന്ധുക്കളെ ആരോഗ്യ വകുപ്പ് മന്ത്രി വീണാ ജോര്ജ് ആദരവറിയിച്ചു. അവരുടെ കുടുംബത്തിന്റെ ദു:ഖത്തില് പങ്ക് ചേരുന്നു. ചികിത്സാ രംഗത്ത് ശ്രീചിത്രയുടെ മറ്റൊരു അഭിമാന നേട്ടം കൂടിയാണ് ഹൃദയം മാറ്റിവയ്ക്കല് ശസ്ത്രക്രിയയെന്നും മന്ത്രി പറഞ്ഞു.
സര്ക്കാരിന്റെ അവയവദാന പദ്ധതിയായ കെ-സോട്ടോ (കേരള സ്റ്റേറ്റ് ഓര്ഗന് ആന്റ് ടിഷ്യു ട്രാന്സ്പ്ലാന്റ് ഓര്ഗനൈസേഷന്) വഴിയാണ് അവയവ വിന്യാസം നടത്തിയത്. കേരളത്തില് മരണാനന്തര അവയവദാനത്തിന് നേതൃത്വം നല്കുന്ന കെ-സോട്ടോ നേതൃത്വത്തിലാണ് അവയവ കൈമാറ്റ നടപടിക്രമങ്ങളും സ്വീകര്ത്താക്കളെ കണ്ടെത്താനുള്ള നടപടികളും കാര്യക്ഷമമായി നടന്നത്.
ബംഗ്ലാദേശിൽ ഹിന്ദു യുവാവിനെ ഇസ്ലാമിസ്റ്റുകൾ തല്ലിച്ചതച്ച് കെട്ടിത്തൂക്കിയ ശേഷം ചുട്ടുകൊന്ന സംഭവത്തിൽ ദില്ലിയിലെ ബംഗ്ലാദേശ് ഹൈക്കമ്മീഷന് മുന്നിൽ വൻ പ്രതിഷേധം.…
ചരിത്ര വിജയം നേടിയ തിരുവനന്തപുരം കോർപറേഷനിൽ മേയർ സ്ഥാനത്തേക്ക് ബിജെപി ആരെ നിയോഗിക്കും ? ആർ ശ്രീലേഖ മേയർ ആയേക്കുമെന്ന്…
ധാക്ക : ബംഗ്ലാദേശിലെ മൈമെൻസിങ് ജില്ലയിൽ ഇസ്ലാമിസ്റ്റുകൾ കൊന്ന് കത്തിച്ച ഹിന്ദു യുവാവ് ദീപു ചന്ദ്ര ദാസ് മതനിന്ദ നടത്തിയതിന്…
ശബരിമല സ്വർണ്ണക്കൊള്ളയിൽ അന്വേഷണം സിബിഐ ക്ക് വിടണമെന്ന ഹർജി ഇന്ന് ഹൈക്കോടതി പരിഗണിക്കും . അന്വേഷണം ഏറ്റെടുക്കാൻ തയ്യാറെന്ന് സൂചന…
രമേശ് ചെന്നിത്തലയുടെ നീക്കങ്ങൾ സോണിയാ ഗാന്ധിയെ കുരുക്കിലാക്കുമോ ? ശബരിമല വിഗ്രഹങ്ങൾ കടത്തിയത് ഡി. മണി ? ശബരിമലയുമായി ബന്ധമുള്ള…
ഭാരതവിരുദ്ധ നിലപാടുകൾക്കായി അറിയപ്പെട്ട ഷെരിഫ് ഉസ്മാൻ ഹാദിയുടെ മയ്യത്ത് ആഘോഷമാക്കുന്ന മാധ്യമ സമീപനത്തിനെതിരെ ശക്തമായ വിമർശനങ്ങൾ ഉയരുന്നു. മുൻ DGP…