വീണ്ടും ഇന്ധനവിലയില്‍ വര്‍ധനവ്; ഒരാഴ്ചയ്ക്ക് ശേഷം ഡീസൽ വില വീണ്ടും കൂടി

കൊച്ചി : ഒരാഴ്ചത്തെ ഇടവേളയ്ക്ക് പിന്നാലെ സംസ്ഥാനത്ത് വീണ്ടും ഡീസൽ വിലയിൽ വർധനവ്. ലിറ്ററിന് 21 പൈസ കൂടി 76.45 രൂപയായി. എന്നാൽ, പെട്രോൾ വിലയിൽ മാറ്റമില്ല. 80.69 രൂപയാണ് പെട്രോൾ വില. കഴിഞ്ഞ മാസത്തിൽ തുടർച്ചയായി 20 ദിവസത്തിലധികം പെട്രോളിനും ഡീസലിനും വില വർധിച്ചിരുന്നു. ജൂൺ 7 മുതലാണ് ഇന്ധന വില ഉയരാൻ ആരംഭിച്ചത് . രാജ്യത്തെ ഇന്ധന വില ഇപ്പോൾ 19 മാസത്തെ ഏറ്റവും ഉയർന്ന നിരക്കിലാണ്.