‘ഈ വിഷയത്തിൽ പ്രധാനമന്ത്രിയെ വലിച്ചിഴയ്‌ക്കേണ്ട !’ തിരുപ്പതി ലഡ്ഡു വിവാദത്തിൽ ജഗൻ മോഹൻ റെഡ്ഡി മോദിക്ക് അയച്ച കത്തിൽ പ്രതികരിച്ച് പവൻ കല്യാൺ

ഹൈദരാബാദ്: തിരുപ്പതി ലഡ്ഡു വിവാദം കൊഴുക്കുന്നതിനിടെ വൈഎസ്ആർസിപി നേതാവും ആന്ധ്രാപ്രദേശ് മുൻ മുഖ്യമന്ത്രിയുമായ വൈ.എസ് ജഗൻ മോഹൻ റെഡ്ഡി പ്രധാനമന്ത്രി നരേന്ദ്രമോദിക്ക് അയച്ച കത്തിൽ പ്രതികരിച്ച് ഉപമുഖ്യമന്ത്രി പവൻ കല്യാൺ. ബഹുമാനപ്പെട്ട പ്രധാനമന്ത്രിയെ ഇതിലേക്ക് കൊണ്ടുവരേണ്ട ആവശ്യമില്ലെന്ന് പവൻ കല്യാൺ പറഞ്ഞു.

മുഖ്യമന്ത്രി ചന്ദ്രബാബു നായിഡുവിനെ വിമർശിച്ചുകൊണ്ടാണ് ജഗൻ മോഹൻ റെഡ്ഡി മോദിക്ക് കത്തയച്ചത്. ‘തിരുമല ക്ഷേത്രത്തിലെ പ്രസാദങ്ങൾ തയ്യാറാക്കാൻ ഉപയോഗിക്കുന്ന നെയ്യിൽ മായം കലർന്നതാണെന്നും ഇതിൽ മൃഗക്കൊഴുപ്പുണ്ടെന്നും ചന്ദ്രബാബു നായിഡു ആരോപിച്ചു. ഇത് തീർച്ചയായും രാഷ്ട്രീയ ലക്ഷ്യത്തോടെ പ്രചരിപ്പിച്ച നുണയാണ്. 2024 ജൂലൈ 12-ന് തിരുപ്പതിയിൽ മായം കലർത്തിയേക്കാവുന്ന നെയ്യ് അടങ്ങിയ ടാങ്കർ എത്തി, എന്നാൽ അത് നിരസിക്കപ്പെട്ടു. പ്രസാദങ്ങൾ തയ്യാറാക്കാൻ ഈ നെയ്യ് ഉപയോഗിച്ചിരുന്നില്ല’ എന്ന് കത്തിൽ പറയുന്നു.