സ്വന്തം അഭിപ്രായം പറയേണ്ട ! പാർട്ടിയുടെ അഭിപ്രായം പറഞ്ഞാൽ മതി !! ഇന്ത്യ-പാക് സംഘര്‍ഷത്തില്‍ കേന്ദ്രസർക്കാർ നിലപാടിന് അനുകൂലമായി പ്രതികരിച്ചതിന് ശശി തരൂരിന് കോൺഗ്രസിന്റെ താക്കീത്

ദില്ലി : ശശി തരൂര്‍ എംപിക്ക് കോണ്‍ഗ്രസ് നേതൃത്വത്തിന്റെ താക്കീത്. ഇന്ത്യ-പാക് സംഘര്‍ഷത്തില്‍ കേന്ദ്രസർക്കാർ നിലപാടിന് അനുകൂലമായി പ്രതികരിച്ചതിനാണ് താക്കീത് നല്‍കിയത് എന്നാണ് വിവരം. ഇന്ന് ദില്ലിയിൽ ചേര്‍ന്ന മുതിര്‍ന്ന നേതാക്കളുടെ യോഗത്തിലാണ് ശശി തരൂരിന്റെ വിഷയവും ചര്‍ച്ചയായത്. വ്യക്തിപരമായ അഭിപ്രായം പറയാനുള്ള സമയമല്ലെന്നും പാര്‍ട്ടിയുടെ അഭിപ്രായം പൊതുസമൂഹത്തില്‍ അവതരിപ്പിക്കണമെന്നും നേതൃത്വം തരൂരിനോട് നിര്‍ദേശിച്ചു.

പാകിസ്ഥാനുമായുള്ള വെടിനിര്‍ത്തലിന് പിന്നാലെ 1971-ല്‍ ഇന്ദിരാഗാന്ധി സ്വീകരിച്ച നിലപാട് കോണ്‍ഗ്രസ് ഉയര്‍ത്തിക്കാട്ടിയിരുന്നു. എന്നാല്‍, 1971-ലെ സാഹചര്യമല്ല 2025-ലേതെന്നും ഒരുപാട് ത്യാസങ്ങളുണ്ടെന്നുമാണ് ഇതുസംബന്ധിച്ച് ശശി തരൂര്‍ അഭിപ്രായപ്പെട്ടത്. ഇതിനുപിന്നാലെയാണ് ബുധനാഴ്ച ചേര്‍ന്ന മുതിര്‍ന്ന നേതാക്കളുടെ യോഗത്തില്‍ തരൂരിന് താക്കീത് നല്‍കിയത്.