കടിച്ച പാമ്പിനെ കൊണ്ട് തന്നെ വിഷമിറക്കിക്കുക എന്ന് പറയില്ലേ; അത് ഇതാണ് !

എപ്പോഴും കേന്ദ്ര സർക്കാരിനെ കുറ്റം പറയുക എന്നത് കേരള സർക്കാരിന്റെ ശീലമാണ്. കേന്ദ്ര സർക്കാർ എന്തൊക്കെ വികസനങ്ങൾ കൊണ്ടുവന്നാലും അത് ഒരിക്കലും പിണറായിയും അടിമ സഖാക്കളും അംഗീകരിച്ചു നൽകാറില്ല. എന്നാൽ, കേന്ദ്ര സർക്കാരിന്റെ പദ്ധതികൾ അടിച്ചുമാറ്റി കേരള സർക്കാരിന്റേതാക്കി മാറ്റുന്നതിലും അവർ മുൻപന്തിയിൽ തന്നെയുണ്ട്. എന്നാൽ ഇപ്പോഴിതാ, ഇത്രയും നാൾ കുറ്റം പറഞ്ഞു പറഞ്ഞ നടന്ന കേന്ദ്ര സർക്കാരിന്റെ വികസന പ്രവർത്തനങ്ങളെ അംഗീകരിച്ചു നൽകുകയാണ് പിണറായി വിജയൻ. കടിച്ച പാമ്പിനെ കൊണ്ട് തന്നെ വിഷമിറക്കിക്കുക എന്നെല്ലാം പറയുന്നത് ശരിയാണെന്ന് ഇത് കണ്ടാൽ നിങ്ങൾക്ക് മനസ്സിലാകും.

കണ്ടല്ലോ…ഇന്നലെ സ്വാതന്ത്യ ദിനാഘോഷത്തോടനുബന്ധിച്ച് മുഖ്യമന്ത്രി സംസാരിക്കവെയാണ് കേന്ദ്രസർക്കാരിന്റെ വികസന പ്രവർത്തനങ്ങളെ അംഗീകരിച്ചു നൽകിയിരിക്കുന്നത്. ലോകത്തെ ഏറ്റവും വലിയ സാമ്പത്തിക സൈനിക ശക്തികളുടെ പട്ടികയിൽ ഇന്ന് ഇന്ത്യയുണ്ട്. ഐ.ടി രംഗത്തും ബഹിരാകാശരംഗത്തും ഇന്ത്യ സാന്നിധ്യം അറിയിച്ചുകൊണ്ടിരിക്കുകയാണ്. ഇത് ഇന്ത്യക്ക് അഭിമാനിക്കാവുന്ന കാര്യമാണെന്നാണ് പിണറായി വിജയൻ പറയുന്നത്. കൂടാതെ, ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യയെന്ന് പിണറായി വിജയനും സമ്മതിച്ചിരിക്കുകയാണ്. എന്നാൽ, പിണറായി വിജയന് എന്തുപറ്റി എന്നാണ് സോഷ്യൽ മീഡിയ ഒരേ സ്വരത്തിൽ ചോദിക്കുന്നത്. കാരണം പിണറായി വിജയൻ അങ്ങനെ ഇങ്ങനെയൊന്നും കേന്ദ്ര സർക്കാരിന്റെ പ്രവർത്തനങ്ങളെ പുകഴ്ത്താത്ത ഒരാളാണ്. ആ പിണറായി വിജയനാണ് ഇപ്പോൾ ഇങ്ങനെ പറഞ്ഞിരിക്കുന്നതെന്നതാണ് ശ്രദ്ധേയം.