കഞ്ചാവുമായി പിടിയിലായ ഡിവൈഎഫ്ഐ പ്രവർത്തകനെ സ്റ്റേഷൻ ജാമ്യത്തിൽ വിട്ടയച്ചു ! പോലീസ് അളവ് കുറച്ചു കാണിച്ച് രക്ഷപ്പെടുത്തിയെന്നാരോപണം; സ്‌റ്റേഷനിലേക്ക് യൂത്ത്കോൺഗ്രസ് മാർച്ച്

അടൂര്‍: പത്തനംതിട്ട അടൂരിൽ കഞ്ചാവുമായി യുവാവ് പിടിയിൽ. ഡിവൈഎഫ്‌ഐ പ്രവര്‍ത്തകനും അടൂര്‍ സ്വദേശിയുമായ മുഹമ്മദ് സബീറാണ് കഴിഞ്ഞ ദിവസം പിടിയിലായത്. എന്നാൽ മൂന്ന് ഗ്രാം കഞ്ചാവാണ് ഇയാളിൽ നിന്ന് കണ്ടെത്തിയതെന്ന് ചൂണ്ടിക്കാട്ടി ഇയാളെ പിന്നീട് സ്റ്റേഷന്‍ ജാമ്യത്തില്‍ വിട്ടയച്ചു. പിന്നാലെ പോലീസ് അളവ് കുറച്ചു കാണിച്ച് ഡിവൈഎഫ്‌ഐ പ്രവര്‍ത്തകനെ രക്ഷപ്പെടുത്തിയെന്നാരോപിച്ച് യൂത്ത്‌കോണ്‍ഗ്രസ് പ്രവര്‍ത്തകര്‍ അടൂര്‍ പോലീസ് സ്‌റ്റേഷനിലേക്ക് മാര്‍ച്ച് നടത്തി.

ദിവസങ്ങള്‍ക്ക് മുമ്പ് ഡിവൈഎഫ്‌ഐ അടൂരില്‍ സംഘടിപ്പിച്ച മാര്‍ച്ചിനിടെ കോണ്‍ഗ്രസിന്റെ കൊടിമരം നശിപ്പിച്ച ആളാണ് സബീര്‍. പിന്നാലെയാണ് കഞ്ചാവുമായി പിടിയിലാകുന്നത്. സബീറില്‍ നിന്ന് കൂടുതല്‍ അളവില്‍ കഞ്ചാവ് പിടിച്ചിട്ടുണ്ടെന്നും സ്റ്റേഷന്‍ ജാമ്യം കിട്ടാനായി മൂന്ന് ഗ്രാമാക്കി സിപിഎം നേതൃത്വവുമായി ഒത്തു കളിച്ചെന്നും യൂത്ത് കോണ്‍ഗ്രസ് ആരോപിക്കുന്നു