ആന്ധ്രപ്രദേശിൽ ഏറ്റുമുട്ടൽ !വനിത നേതാവ് ഉൾപ്പെടെ മൂന്ന് ഉന്നത കമ്മ്യൂണിസ്റ്റ് ഭീകര നേതാക്കളെ വധിച്ച് സുരക്ഷാസേന

അമരാവതി : ആന്ധ്രപ്രദേശിലുണ്ടായ ഏറ്റുമുട്ടലിൽ വനിത നേതാവ് ഉൾപ്പെടെ മൂന്ന് ഉന്നത കമ്മ്യൂണിസ്റ്റ് ഭീകര നേതാക്കളെ വധിച്ച് സുരക്ഷാസേന. അല്ലൂരി സീതാറാംരാജു ജില്ലയിലെ മരേഡുമില്ലി വനത്തിൽ വച്ചാണ് ഇന്ന് സുരക്ഷാസേനയും കമ്മ്യൂണിസ്റ്റ് ഭീകരരും തമ്മിൽ ഏറ്റുമുട്ടൽ ഉണ്ടായത്.

സുരക്ഷാസേനയുമായി ഉള്ള ഏറ്റുമുട്ടലിൽ കമ്മ്യൂണിസ്റ്റ് ഭീകര സംഘടനയുടെ കേന്ദ്ര കമ്മിറ്റി അംഗം ഗജാർല രവി എന്ന ഉദയ് കൊല്ലപ്പെട്ടു. ഉന്നത വനിത മാവോയിസ്റ്റ് നേതാവ് അരുണ എന്ന രവി വെങ്കട ചൈതന്യ, മറ്റൊരു അജ്ഞാത മാവോയിസ്റ്റ് നേതാവ് എന്നിവരും ഏറ്റുമുട്ടലിൽ കൊല്ലപ്പെട്ടു. ഒഡീഷ അതിർത്തിയിലുള്ള ഛത്തീസ്ഗഡിലെ ഗരിയബന്ദിൽ സുരക്ഷാ സേനയുമായുള്ള ഏറ്റുമുട്ടലിൽ കൊല്ലപ്പെട്ട മറ്റൊരു കേന്ദ്ര കമ്മിറ്റി അംഗം പ്രതാപ്റെഡ്ഡി രാമചന്ദ്ര റെഡ്ഡി എന്ന ചലപതിയുടെ ഭാര്യയായിരുന്നു അരുണ.

മാരേടുമില്ലി പോലീസ് പരിധിയിലുള്ള ദേവിപട്ടണം വനമേഖലയിൽ ഭീകരർ ഒളിച്ചിരിക്കുന്നതായുള്ള രഹസ്യ വിവരത്തിന്റെ അടിസ്ഥാനത്തിലാണ് തെരച്ചിൽ നടത്തിയതെന്ന് പോലീസ് അറിയിച്ചുഎലൈറ്റ് ഗ്രേഹൗണ്ട്സ് യൂണിറ്റ് ആണ് ഓപ്പറേഷന് നേതൃത്വം നൽകിയത്.