ഒടുവിൽ ആശ്വാസം !കെഎസ്ആർടിസി പാക്കേജിൽ ഗവിയിലേക്ക് യാത്ര പോയി വനത്തിൽ കുടുങ്ങിയ സംഘത്തെ ജനവാസ മേഖലയിൽ എത്തിച്ചു

പത്തനംതിട്ട: കെഎസ്ആ‍ർടിസി ബസിൽ ഗവി ഉല്ലാസയാത്രയ്ക്ക് പോയി യന്ത്രത്തകരാർ മൂലം വനത്തിൽ കുടുങ്ങിയ യാത്രക്കാരെ ജനവാസമേഖലയിൽ എത്തിച്ചു. സ്ത്രീകളും കുട്ടികളും അടങ്ങുന്ന 38 അംഗ സംഘം വന മേഖലയിൽ കുടുങ്ങിയത്.ചടയമംഗലത്ത് നിന്ന് യാത്ര പോയവരാണ് മൂഴിയാറിൽ വനത്തിൽ കുടുങ്ങിയത്. പകരം ബസ് എത്തിക്കുന്നതിൽ അധികൃതർക്ക് വീഴ്ചപറ്റിയെന്നാണ് യാത്രക്കാർ പറയുന്നത്. വൈകുന്നേരം അഞ്ചരയോടെയാണ് തകരാർ പരിഹരിച്ച് ആളുകളെ ജനവാസമേഖലയിൽ എത്തിക്കാനായത്.

കെഎസ്ആർടിസി പാക്കേജിൽ ചടയമംഗലത്ത് നിന്ന് ഇവർ പുറപ്പെട്ട കെഎസ്ആർടിസി ബസ് 11 മണിയോടെ വനമേഖലയിലെ നാല്പത് എന്ന സ്ഥലത്ത് വച്ചാണ് കേടായത്. പത്തനംതിട്ടയിൽ നിന്ന് പകരം എത്തിച്ച ബസിനും തകരാർ ഉണ്ടായി എന്നാണ് യാത്രക്കാർ നേരത്തെ വെളിപ്പെടുത്തിയിരുന്നു .
ഒടുവിൽ വൈകുന്നേരം അഞ്ചരയോടെ കുമളിയിൽ നിന്നും പത്തനംതിട്ടയ്ക്ക് വന്ന കെഎസ്ആർടിസി ബസ്സിലാണ് യാത്രക്കാരെ മൂഴിയാറിലെ ജനവാസമേഖലയിൽ എത്തിക്കാനായത്.