ഭാര്യയെ ശല്യം ചെയ്തത് ചോദ്യംചെയ്ത ഭർത്താവിന് മർദ്ദനമേറ്റ സംഭവം;അഞ്ച് പേർ കസ്റ്റഡിയിൽ,

കോഴിക്കോട് :ഭാര്യയെ ശല്യം ചെയ്തത് ചോദ്യംചെയ്ത ഭർത്താവിന് മർദ്ദനമേറ്റ സംഭവത്തിൽ അഞ്ച് പേർ കസ്റ്റഡിയിൽ. ഇവരുടെ ബൈക്കും നടക്കാവ് പൊലീസ് പിടിച്ചെടുത്തു.നഗരത്തിൽ വച്ചാണ് യുവദമ്പതികളെ ബൈക്കിലെത്തി പ്രതികൾ ആക്രമിച്ചത്.കഴിഞ്ഞ ദിവസം രാത്രി പത്ത് മണിയോടെയാണ് ഇരിങ്ങാടൻപള്ളി സ്വദേശി അശ്വിനും ഭാര്യയ്ക്കും മർദ്ദനമേറ്റത്.ബൈക്കുകളിൽ പിന്തുടർന്നെത്തിയ സംഘം ഭാര്യയെ ശല്യം ചെയ്തത് ചോദ്യം ചെയ്തതിനാണ് ഭർത്താവിനെ മർദ്ദിച്ചത്.

മർദ്ദിച്ച അന്ന് രാത്രി തന്നെ രേഖാമൂലം പോലീസിൽ പരാതി നൽകിയിരുന്നു. എന്നാൽ പോലീസ് തിരിഞ്ഞ് നോക്കിയില്ലെന്ന പരാതിയും നേരത്തെതന്നെ ഉയർന്നിരുന്നു. കുടുംബം നടക്കാവ് പോലീസിലും സിറ്റി ട്രാഫിക്കിലും പരാതി നൽകിയിരുന്നു.