അനുശ്രീയുടെ വിനോദിന്, നീയാണ് എന്റെ പ്രണയത്തിൻെറ വിലാസം..! നടി അനശ്വര രാജന്റെ പോസ്റ്റ് വൈറലാകുന്നു

മലയാളികളുടെ പ്രീയ താരമാണ് ഉദാഹരണം സുജാതയിലൂടെ കടന്നുവന്ന അനശ്വര രാജൻ. അനശ്വര രാജൻ കേന്ദ്ര കഥാപാത്രമായെത്തിയ സിനിമയാണ് പ്രണയ വിലാസം. ചിത്രം തിയേറ്ററുകളിൽ മികച്ച പ്രതികരണം നേടിയാണ് മുന്നേറുന്നത്. അനുശ്രീ എന്ന കഥാപാത്രത്തെയാണ് അനശ്വര അവതരിപ്പിച്ചത്. ഇപ്പോൾ അനശ്വര ഇൻസ്റ്റാഗ്രാമിൽ പങ്കുവെച്ച ഒരു പോസ്റ്റാണ് വൈറലായി മാറുന്നത്. അനുശ്രീ എന്ന കഥാപാത്രത്തിന്റെ കാമുകനായ ഹക്കീം ഷാജഹാനെ അഭിനന്ദിച്ചുകൊണ്ടുള്ള അനശ്വരയുടെ പോസ്റ്റ് സോഷ്യൽ മീഡിയ ഇപ്പോൾ ഒന്നടങ്കം ഏറ്റെടുത്തു കഴിഞ്ഞു.

പോസ്റ്റിന്റെ പൂർണ്ണരൂപം:

എൻ്റെ വിനോദിന്, പ്രണയത്തിൻറെ വേർപാടിലും ഓരോ നിമിഷവും ജീവിച്ച് തീർക്കുന്ന നീയാണ് എൻ്റെ പ്രണയത്തിൻറെ വിലാസം. ഞാൻ ആരാധിക്കുകയും യഥാർത്ഥ ജീവിതത്തിൽ ഉണ്ടായിരുന്നുവെങ്കിൽ എന്ന് ആഗ്രഹിക്കുകയും ചെയ്യുന്ന ഒരു സാങ്കൽപ്പിക കഥാപാത്രമായ അനുശ്രീയുടെ വിനോദിനും വിനോദിന് ജീവൻ നൽകി ആ കഥാപാത്രത്തെ ഏറ്റവും മികച്ചതാക്കിയ മിടുക്കനായ നടൻ ഹക്കീം ഷാജഹാനുമുള്ള അഭിനന്ദന കുറിപ്പാണിത് എന്നാണ് അനശ്വര ഇൻസ്റ്റഗ്രാമിൽ കുറിച്ചിരിക്കുന്നത്.