വ്യക്തിഗത സുരക്ഷയ്ക്കായി ആയുധ ലൈസൻസ് ആവശ്യപ്പെട്ട് മുൻ എൻ‌ഐ‌എ ജഡ്ജി ! ഹർജിയിൽ അടിയന്തരമായി തീരുമാനമെടുക്കാൻ അധികൃതരോട് ആവശ്യപ്പെട്ട് ദില്ലി ഹൈക്കോടതി

ആയുധ ലൈസൻസ് ആവശ്യപ്പെട്ട് ദേശീയ അന്വേഷണ ഏജൻസിയുടെ (എൻ‌ഐ‌എ) മുൻ പ്രത്യേക ജഡ്ജി സമർപ്പിച്ച ഹർജിയിൽ അടിയന്തരമായി തീരുമാനമെടുക്കാൻ അധികൃതരോട് ആവശ്യപ്പെട്ട് ദില്ലി ഹൈക്കോടതി. വ്യക്തിപരമായ സുരക്ഷാ കാരണങ്ങൾ ചൂണ്ടിക്കാട്ടി, ആയുധ ലൈസൻസ് നൽകുന്നതിനുള്ള തന്റെ അപേക്ഷയിൽ തീരുമാനമെടുക്കാൻ ദില്ലി സർക്കാരിനോടും പോലീസിനോടും നിർദ്ദേശം നൽകണമെന്നായിരുന്നു ഹർജിയിൽ മുൻ ജഡ്ജി ആവശ്യപ്പെട്ടിരുന്നത്.

2023 നവംബറിൽ ജഡ്‌ജി നൽകിയ അപേക്ഷയിൽ തീരുമാനം എടുക്കുമെന്നും ഇത് ഹർജിക്കാരനെ അറിയിക്കുമെന്നും ഹർജി തീർപ്പാക്കിക്കൊണ്ട് ജസ്റ്റിസ് സച്ചിൻ ദത്ത ചൂണ്ടിക്കാട്ടി. അധികാരികളുടെ തീരുമാനത്തിൽ ഹർജിക്കാരന് അതൃപ്തിയുണ്ടെങ്കിൽ, കോടതിയെ സമീപിക്കാമെന്നും ഉത്തരവിൽ പറയുന്നു

ത്രിപുരയിൽ പ്രത്യേക എൻഐഎ ജഡ്ജിയായി സേവനമനുഷ്ഠിച്ച ജഡ്ജി നിലവിൽ ദില്ലിയിൽ ഡെപ്യൂട്ടേഷനിലാണ്. 2023 നവംബറിൽ അദ്ദേഹം ആയുധ ലൈസൻസിന് അപേക്ഷിച്ചെങ്കിലും ദില്ലി പോലീസ് ലൈസൻസ് അതോറിറ്റി ഒരു നടപടിയും സ്വീകരിച്ചില്ലെന്ന് അദ്ദേഹം പറഞ്ഞു.തന്റെ കുടുംബം ദില്ലിയിൽ സ്ഥിരമായി താമസിക്കുന്നതിനാൽ, സുരക്ഷ ഉറപ്പാക്കാനാണ് അദ്ദേഹം ആയുധ ലൈസൻസിന് അപേക്ഷിച്ചത്,