പത്തനംതിട്ടയിൽ ബസും കാറും കൂട്ടിയിടിച്ച് അപകടം !ഒരു കുടുംബത്തിലെ നാലുപേര്‍ മരിച്ചു.

പത്തനംതിട്ട: കൂടലില്‍ ബസും കാറും കൂട്ടിയിടിച്ചുണ്ടായ അപകടത്തിൽ നാല് പേര്‍ മരിച്ചു. ഒരു കുടുംബത്തിലെ നാല് പേർക്കാണ് അപകടത്തിൽ ജീവൻ നഷ്ട്ടപെട്ടത് .പുനല്ലൂര്‍-മൂവാറ്റുപുഴ സംസ്ഥാന പാതയിലാണ് സംഭവം. കൂടല്‍ മുറിഞ്ഞ കല്ലില്‍ തമിഴ്‌നാട്ടില്‍ നിന്നുള്ള ശബരിമല ഭക്തര്‍ സഞ്ചരിച്ച മിനി ബസ് എതിര്‍ദിശയില്‍ വന്ന കാറുമായി കൂട്ടിയിടിക്കുകയായിരുന്നു. പുലർച്ചെ 5 മണിയോടെയാണ് അപകടം നടന്നത്.

നെടുമ്പാശേരി വിമാനത്താവളത്തിൽ നിന്ന് മടങ്ങിയ കുടുംബമാണ് കാറിലുണ്ടായിരുന്നത്. അപകടത്തിൽപ്പെട്ട ബസ് ആന്ധ്രാ സ്വദേശികളായ ശബരിമല തീർത്ഥാടകരുടേതാണ്.കാർ ബസിനുള്ളിലേക്ക് ഇടിച്ചു കയറിയ നിലയിലായിരുന്നു. അപകടത്തിൽ പൂർണ്ണമായും തകർന്ന കാർ വെട്ടിപ്പൊളിച്ചാണ് യാത്രക്കാരെ പുറത്തെടുത്തത്. കാറിലുണ്ടായിരുന്ന 3 പേർ സംഭവസ്ഥലത്ത് തന്നെ വെച്ച് മരിച്ചു.കോന്നി മല്ലശ്ശേരി സ്വദേശികളാണ് മരിച്ചത്. ഈപ്പൻ മത്തായി, നിഖിൻ , അനു , ബിജു പി ജോർജ്ജ് എന്നിവരാണ് മരിച്ചത്. അനുവും നിഖിലും ദവദമ്പതികളാണ്. നവംബർ 30 നായിരുന്നു ഇവരുടെ വിവാഹം .മലേഷ്യയിൽ മധുവിധു ആഘോഷിക്കാൻ പോയി മടങ്ങവേ ആണ് കാർ അപകടത്തിൽപെട്ടത് വാഹനത്തിൽ ഉണ്ടായിരുന്ന മറ്റ്‌ രണ്ടുപേരിൽ അനുവിന്റെ പിതാവാണ് ബിജു. നിഖിലിന്റെ പിതാവാണ് ഈപ്പൻ മത്തായി.കാറിന്റെ മുന്‍വശം ആകെ തകര്‍ന്ന നിലയിലായിരുന്നു. അനുവിന് ജീവൻ ഉണ്ടായിരുന്നതുകൊണ്ട് ഉടൻ ആശുപത്രിയിലേക്ക് കൊണ്ടുപോയെകിലും ആശുപത്രിയിലേക്കുള്ള വഴിയിൽ മരിക്കുകയായിരുന്നു ആദ്യം ഓടിയെത്തിയ നാട്ടുകാരാണ് കാർ വെട്ടിപ്പൊളിച്ച് രക്ഷാപ്രവർത്തനം നടത്തിയത്. പൊലീസും ഫയര്‍ഫോഴ്സും സംഭവസ്ഥലത്തെത്തി. അപകടകാരണത്തെക്കുറിച്ച് പൊലീസ് അന്വേഷണമാരംഭിച്ചു.