ഇസ്ലാമിക ഭീകരർ കൊലവിളിയുമായി അഴിഞ്ഞാടുന്നു; ഫ്രാൻസിൽ വീണ്ടും ഭീകരാക്രമണം

പാരീസ്: ഫ്രാൻസിൽ വീണ്ടും ഭീകരാക്രമണം. ആക്രമത്തിൽ മൂന്ന് പേർ കൊല്ലപ്പെട്ടതായാണ് റിപ്പോർട്ടുകൾ. നിരവധിപേർക്ക് പരിക്കേറ്റു. അധ്യാപകൻ്റെ തലവെട്ടിയ സംഭവത്തിന് പിന്നാലെ ആണ് വീണ്ടും ഭീകര ആക്രമണം.

ഫ്രഞ്ച് നഗരമായ നൈസിലാണ് ആക്രമണം ഉണ്ടായത്. കത്തി ഉപയോഗിച്ചായിരുന്നു ആക്രമണങ്ങൾ, ഒരു സ്ത്രീയെ കഴുത്തറത്താണ് കൊന്നതെന്നാണ് റിപ്പോർട്ടുകൾ വരുന്നത്. മറ്റ് രണ്ട് പേരെ പള്ളിയിൽ വെച്ചാണ് കൊലപ്പെടുത്തിയത്.

നഗരത്തിലെ നോട്രെ ഡാം പള്ളിയിലും സമീപത്തുമായിരുന്നു ആക്രമണം നടന്നത്, അക്രമിയെ പോലീസ് കസ്റ്റഡിയിലെടുത്തിട്ടുണ്ട്. ആക്രമണത്തിന്റെ ലക്ഷ്യം ഇതുവരെ വ്യക്തമായിട്ടില്ല.

പോലീസിനും അടിയന്തിര സേവനങ്ങൾക്കും പ്രവർത്തിക്കാൻ പ്രദേശം ഒഴിവാക്കണമെന്ന് നൈസിലെ ജനങ്ങളോട് ആവശ്യപ്പെടുന്നുവെന്ന് ”മേയർ ക്രിസ്റ്റ്യൻ എസ്ട്രോസി ട്വീറ്റ് ചെയ്തു.

ആക്രമണകാരി “അള്ളാഹ് അക്ബർ” എന്ന വാചകം ആവർത്തിച്ച് ഉപയോഗിച്ചിട്ടുണ്ടെന്നും മേയർ പറഞ്ഞു .നഗരത്തിലെ പ്രധാന ഷോപ്പിംഗ് സ്ഥലമായ നൈസിന്റെ ജീൻ മെഡെസിൻ അവന്യൂവിലുള്ള പള്ളിക്ക് ചുറ്റും ഓട്ടോമാറ്റിക് ആയുധങ്ങളുമായി പോലീസ് സുരക്ഷാ വലയം സ്ഥാപിച്ചിട്ടുണ്ട്.