തലസ്ഥാനത്ത് വീണ്ടും ഗുണ്ടാ ആക്രമണം!;ബാറിൽ വച്ച് യുവാവിനെ വെട്ടി പരുക്കേൽപ്പിച്ചു;ഗുണ്ട സാബു പിടിയിൽ

തിരുവനന്തപുരം:തലസ്ഥാനത്ത് വീണ്ടും ഗുണ്ടാ ആക്രമണം.ബാറിൽ വച്ച് യുവാവിനെ വെട്ടി പരുക്കേൽപ്പിച്ചു. കഠിനംകുളം സ്വദേശി മഹേഷിനാണ് ആക്രമണത്തിൽ വെട്ടേറ്റത്. സംഭവത്തിൽ കുപ്രസിദ്ധ ഗുണ്ട സാബു പിടിയിലായി.

അതേസമയം കഴിഞ്ഞ ദിവസവും തിരുവനന്തപുരത്ത് ഗുണ്ടാ ആക്രമണം ഉണ്ടായി. പൂവച്ചലില്‍ ഒരാള്‍ക്ക് വെട്ടേറ്റു. ഉണ്ടപ്പാറ സ്വദേശി ഫറൂക്കിനാണ് വെട്ടേറ്റത്. ബൈക്കുകളിലെത്തിയ സംഘമാണ് ആക്രമിച്ചത്. വീട്ടില്‍ നിന്നും വിളിച്ചിറക്കിയായിരുന്നു ആക്രമണം. വെട്ടാനുപയോഗിച്ച വടിവാള്‍ പോലീസ് കണ്ടെടുത്തു.