കൊച്ചി നഗരത്തിൽ വാതകചോർച്ച;രൂക്ഷഗന്ധം മൂലം പുറത്തിറങ്ങാനാകാതെ പ്രദേശവാസികൾ

കൊച്ചി: കൊച്ചി കങ്ങരപ്പടിയിൽ വാതകച്ചോര്‍ച്ച. ഗ്യാസ് പൈപ്പുകളിലാണ് ചോര്‍ച്ച കണ്ടെത്തിയിരിക്കുന്നത്. ഇടപ്പള്ളി, കാക്കനാട്, കളമശേരി ഭാഗങ്ങളില്‍ വാതകച്ചോര്‍ച്ച മൂലം ഇപ്പോള്‍ രൂക്ഷഗന്ധമാണ് അനുഭവപ്പെടുന്നത്. എന്നാൽ ഈ വാതകചോര്‍ച്ച അപകടകരമല്ലെന്നാണ് അധികൃതരുടെ പ്രാഥമിക നിഗമനം.

കങ്ങരപ്പടിയിലും സമീപപ്രദേശങ്ങളിലും ഇന്നലെ വൈകീട്ടോടെയാണ് രൂക്ഷഗന്ധം വ്യാപിപ്പിക്കാനായി തുടങ്ങിയത്. എന്നാൽ ഇന്നും പ്രദേശത്തെ രൂക്ഷഗന്ധത്തിന് മാറ്റമില്ലെന്നാണ് പ്രദേശവാസികൾ പറയുന്നത്.
അദാനി സിറ്റി ഗ്യാസ് പദ്ധതിയില്‍ അറ്റകുറ്റപ്പണികള്‍ നടക്കുകയാണ്. തന്മൂലമാണ് വാതകച്ചോര്‍ച്ചയെന്നാണ് റിപ്പോര്‍ട്ട് ചെയ്തിരിക്കുന്നത്. അറ്റകുറ്റപ്പണികള്‍ ഉടന്‍ തന്നെ പൂര്‍ത്തിയാക്കി ചോര്‍ച്ച പരിഹരിക്കുമെന്ന് അധികൃതര്‍ അറിയിച്ചിട്ടുണ്ട്.