ആഗോള അയ്യപ്പ സംഗമം: വിഐപി പ്രതിനിധികൾ തങ്ങിയത് കുമരകത്തെ ആഡംബര ഹോട്ടലിലും റിസോർട്ടുകളിലും! പണം അനുവദിച്ചത് ദേവസ്വംബോർഡ്

Global Ayyappa Sangam: VIP delegates stayed in luxury hotels and resorts in Kumarakom! The money was allocated by the Devaswom Board

തിരുവനന്തപുരം: സംസ്ഥാന സർക്കാർ കൊട്ടിയാഘോഷിച്ച് നടത്തിയ ആഗോള അയ്യപ്പ സംഗമത്തിൽ
കോടികൾ ചെലവഴിച്ചതിന്റെ വിവരങ്ങൾ പുറത്ത്. സംഗമത്തിൽ പങ്കെടുത്ത വിഐപികളായ പ്രതിനിധികൾ തങ്ങിയത് ആഡംബര റിസോർട്ടുകളിലാണെന്നും മുറിവാടക ഇനത്തിൽ ലക്ഷക്കണക്കിന് രൂപ ദേവസ്വം ബോർഡ് ചെലവഴിച്ചതായും പുറത്തുവന്ന രേഖകൾ വ്യക്തമാക്കുന്നു.

പമ്പയിലാണ് സംഗമം നടന്നതെങ്കിലും, പങ്കെടുത്ത വിഐപികളെ താമസിപ്പിക്കുന്നതിനായി തെരഞ്ഞെടുത്തത് 68 കിലോമീറ്റർ അപ്പുറത്തെ കുമരകത്തെ ഹോട്ടലുകളും റിസോർട്ടുകളുമാണ്. ഇതിനായി ലക്ഷങ്ങളാണ് അഡ്വാൻസ് തുകയായി ദേവസ്വം ഫണ്ടിൽ നിന്ന് പൊടിച്ചത്. പ്രധാനമായും നാല് QQQQQQQQQQQQQQQQQQQQQQQQറിസോർട്ടുകളിലാണ് താമസസൗകര്യം ഒരുക്കിയത്. കുമരകം ഗോകുലം ഗ്രാൻഡ് റിസോർട്ടിന് 8,31,600 രൂപയും താജ് കുമരകം റിസോർട്ടിന് 3,39,840 രൂപയും പാർക്ക് റിസോർട്ടിന് 80,000 രൂപയും കെടിഡിസി ഗേറ്റ്വേ റിസോർട്ടിന് 25,000 രൂപയും അഡ്വാൻസായി അനുവദിച്ചിരുന്നു. ഈ തുകകൾ അഡ്വാൻസ് മാത്രമാണ് എന്നും, ബാക്കിയുണ്ടെങ്കിൽ അത് അക്കൗണ്ടിൽ നിന്ന് പേ ചെയ്യുമെന്നും ഉത്തരവിൽ ദേവസ്വം കമ്മിഷണർ വ്യക്തമാക്കിയിരുന്നു.

ആഗോള അയ്യപ്പ സംഗമത്തിന് പണം അനുവദിച്ചത് ദേവസ്വം ഫണ്ടിൽ നിന്നാണെന്നുള്ള വിവരങ്ങൾ പുറത്തുവന്നിരുന്നു.സെപ്റ്റംബർ 17-നാണ് പ്രതിനിധികൾക്ക് താമസസൗകര്യം ഒരുക്കുന്നതുമായി ബന്ധപ്പെട്ടുള്ള ഉത്തരവുകൾ പുറത്തിറങ്ങിയത്.