കനത്ത മഴ: തമിഴ്‌നാട് തേനിയിലെ വൈഗ അണക്കെട്ട് തുറന്നുവിട്ടു

ചെന്നൈ∙ജലനിരപ്പ് ഉയര്‍ന്നതോടെ തമിഴ്‌നാട് തേനിയിലെ വൈഗ അണക്കെട്ട് തുറന്നുവിട്ടു. മുല്ലപ്പെരിയാറില്‍ നിന്നുള്ള വെള്ളം തമിഴ്‌നാട് സംഭരിക്കുന്നത് തേനി ജില്ലയിലെ വൈഗ അണക്കെട്ടിലാണ്.

മുല്ലപ്പെരിയാറില്‍ നിന്ന് പരമാവധി വെള്ളം ഒഴുക്കാന്‍ തുടങ്ങിയതും തേനിയില്‍ മഴ ശക്തമായതുമാണ് വൈഗ അണക്കെട്ട് നിറയാനിടയാക്കിയത്. ഇതേതുടര്‍ന്നാണ് അണക്കെട്ട് തുറന്നുവിടാന്‍ തീരുമാനിച്ചത്.

മുല്ലപ്പെരിയാറിൽ നിന്ന് പരമാവധി വെള്ളം എടുക്കാൻ തുടങ്ങിയതും തേനിയിൽ മഴ കനത്തതുമാണ് അണക്കെട്ട് നിറയാനിടയാക്കിയത്.

അതേസമയം തേനിയില്‍ മഴ ശക്തമായത് കേരളത്തിന് തിരിച്ചടിയായേക്കും. മഴ ശക്തമായതിനാൽ മുല്ലപ്പെരിയാറിൽ നിന്ന് കൊണ്ടു പോകുന്ന വെള്ളത്തിന്റെ അളവ് തമിഴ്നാട് കുറച്ചാൽ മുല്ലപ്പെരിയാറിലും അത് പ്രതിസന്ധി ഉണ്ടാക്കും.

മാത്രമല്ല മുല്ലപ്പെരിയാറില്‍ നിന്ന് ഒഴുക്കികൊണ്ടു പോകുന്ന വെള്ളത്തിന്റെ അളവ് കുറച്ചാല്‍ മുല്ലപ്പെരിയാറില്‍ ജല നിരപ്പ് ഉയരും. 138 അടി സംഭരണ ശേഷിക്ക് മുകളിലെത്താതിരിക്കാന്‍ ജാഗ്രത വേണ്ടിവരും.