ബൈക്ക് റൈഡുകൾക്ക് കൊണ്ടുപോകാത്തതുകൊണ്ട് കാമുകി ഉപേക്ഷിച്ചു ! പ്രതികാരമായി ബൈക്ക് മോഷണം പതിവാക്കിയ യുവാവ് അറസ്റ്റിൽ ; കണ്ടെടുത്തത് 25 ഓളം ബൈക്കുകൾ

ലക്‌നൗ: ബൈക്ക് റൈഡുകൾക്ക് കൊണ്ടുപോകുന്നില്ലെന്ന് പറഞ്ഞ് തന്നെ ഉപേക്ഷിച്ച കാമുകിയോടുള്ള പ്രതികാരമായി ബൈക്ക് മോഷണം പതിവാക്കിയ യുവാവ് അറസ്റ്റിൽ. ലക്‌നൗ ബിജ്‌നോർ സ്വദേശിയായ രാഹുലാണ് പോലീസിന്റെ വലയിലായത്.ഇയാൾ മോഷ്ടിച്ചെടുത്ത 25 ഓളം ബൈക്കുകളും പോലീസ് കണ്ടെടുത്തിട്ടുണ്ട്.

ബൈക്ക് റൈഡുകൾക്ക് കൊണ്ടുപോകുന്നില്ലെന്ന് ആരോപിച്ച് തന്നെ ഉപേക്ഷിച്ച കാമുകിയോടുള്ള പ്രതികാരമായാണ് താൻ ബൈക്ക് മോഷണം ആരംഭിച്ചതെന്ന് ചോദ്യം ചെയ്യലിൽ യുവാവ് പോലീസിനോട് സമ്മതിച്ചു. കാമുകി പോയതിന് ശേഷം ലഹരിയ്ക്ക് അടിയമായ ഇയാൾ പിന്നീട് മോഷണ ബൈക്കുകളിൽ ചെന്ന് കാമുകിയെ ഉപദ്രവിക്കാറുണ്ടായിരുന്നുവെന്നാണ് വിവരം.

ബൈക്കുകൾ മോഷണം പോകുന്നുവെന്ന് കാട്ടി പോലീസ് സ്‌റ്റേഷനിൽ പതിവായി പരാതി എത്തിയതിന്റെ അടിസ്ഥാനത്തിൽ പോലീസ് നടത്തിയ അന്വേഷണത്തിലാണ് രാഹുൽ പിടിയിലായത്. ബൈക്കിൽ കടന്ന് കളയാൻ ശ്രമിച്ച രാഹുലിനെ പിന്തുടർന്നായിരുന്നു പോലീസ് പിടികൂടിയത്.
മോഷ്ടിക്കുന്ന ബെക്കുകൾ വിറ്റ കാശാണ് ഇയാൾ ലഹരി വാങ്ങാൻ ഉപയോഗിച്ചിരുന്നതെന്നും കണ്ടെത്തിയിട്ടുണ്ട്.