അവന്തിപോറയിൽ ഹിസ്ബുൽ മുജാഹിദ്ദീൻ തീവ്രവാദി പിടിയിൽ; പ്രദേശത്ത് ജാഗ്രത ശക്തമാക്കി സൈന്യം

ശ്രീനഗർ: അവന്തിപോറയിൽ നിന്ന് നിരോധിത തീവ്രവാദ സംഘടനയായ ഹിസ്ബുൽ മുജാഹിദ്ദീനുമായി ബന്ധമുള്ള തീവ്രവാദിയെ പിടികൂടി. തുൾബാഗ് പാംപോറിലെ സ്വദേശിയായ സാഹിൽ മൻസൂർ മിർ ആണ് പിടിയിലായത്. ജമ്മു പോലീസിന് ലഭിച്ച രഹസ്യവിവരത്തെത്തുടർന്ന് നടത്തിയ അന്വേഷണത്തിലാണ്, ഷർഷാലി ക്രൂ പ്രദേശത്ത് നിന്ന് ഇയാളെ പിടികൂടിയത്. ഇയാൾ മേഖലയിൽ തീവ്രവാദ പ്രവർത്തനങ്ങളിൽ നിരന്തരം ഏർപ്പെട്ടിരുന്നുവെന്നാണ് പോലീസ് ഉദ്യോഗസ്ഥരുടെ കണ്ടെത്തൽ.

അതേസമയം ജമ്മു കശ്മീരിലെ അവന്തിപോറയിൽ തീവ്രവാദ സംഘടനയായ ഹിസ്ബുല്‍ മുജാഹിദീന്‍റെ താവളം പോലീസ് മാസങ്ങൾക്കു മുൻപേ തകർത്തിരുന്നു. സീർ വന മേഖലയിൽ പോലീസും സിആർപിഎഫും സംയുക്തമായി നടത്തിയ തിരച്ചിലിലാണ് താവളം കണ്ടെത്തി തകർത്തത്. നിരോധിത സംഘടനയായ ഹിസ്ബുല്‍ മുജാഹിദീനുമായി ബന്ധപ്പെട്ട നിരവധി വസ്തുക്കളും ഒളിത്താവളത്തിൽ നിന്ന് പോലീസ് കണ്ടെടുത്തു. ഇതിനുപിന്നാലെ ഊർജ്ജിതമായ അന്വേഷണമാണ് പ്രദേശത്തെ പല ഭാഗങ്ങളിലായി പോലീസ് നടത്തിക്കൊണ്ടിരുന്നത്. ഇങ്ങനെ നടത്തിയ തിരച്ചിലിലാണ് സാഹിൽ മൻസൂർ മിർ പിടിയിലായത്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona