ചൈനയിൽ നിന്ന് കൂട്ടപ്പലായനം; ഇതുവരെ രാജ്യംവിട്ടത് 94,000 ത്തിലധികം പേർ

ഹോങ്കോംഗ്: കോവിഡ് അഞ്ചാം തരംഗത്തിൽ (Fifth Wave Of Covid In China) നട്ടംതിരിഞ്ഞ് ചൈന. കോവിഡ് വ്യാപനം രൂക്ഷമായതോടെ രാജ്യത്ത് നിന്നും ജനങ്ങൾ കൂട്ടത്തോടെ പലായനം ചെയ്യുകയാണെന്നാണ് റിപ്പോർട്ട്. ഹോങ്കോംഗിൽ നിന്ന് രോഗം ഭയന്ന് ദിവസവും നിരവധി പേരാണ് മറ്റിടങ്ങളിലേക്ക് പലായനം ചെയ്യുന്നത്. ജനുവരി മുതൽ ഇതുവരെ 94,000 പേരാണ് ഹോങ്കോംഗ് അന്താരാഷ്‌ട്ര വിമാനത്താവളം വഴി രാജ്യം വിട്ടത്.

നിലവിൽ കോവിഡിന്റെ അഞ്ചാം തരംഗമാണ് ഹോങ്കോംഗിൽ അലയടിക്കുന്നതെന്നാണ് റിപ്പോർട്ട്.
മറ്റ് തരംഗങ്ങളെക്കാൾ ഏറെ അപകടകാരിയാണ് അഞ്ചാംതരംഗം എന്നാണ് റിപ്പോർട്ടുകൾ. അതിവ്യാപന ശേഷിയുള്ള വൈറസ് അതിവേഗം രോഗം പടരുന്നതിന് കാരണമാകുന്നുണ്ട്.

ഇതിനുപുറമേ രോഗം ബാധിക്കുന്ന കൂടുതൽ പേരും മരിക്കുന്നു എന്നത് ജനങ്ങൾക്കിടയിൽ വലിയ ഭീതിയാണ് ഉണ്ടാക്കുന്നത്. ഇതേ തുടർന്നാണ് ആളുകൾ മറ്റിടങ്ങളിലേക്ക് പോകുന്നത്. കൊറോണ ബാധിക്കുന്നവരിൽ 90 ശതമാനം പേരും മരിക്കുന്നുവെന്നാണ് റിപ്പോർട്ടുകൾ. ഡിസംബർ 31 മുതലാണ് ഹോങ്കോംഗിൽ കോവിഡിന്റെ അഞ്ചാം തരംഗം ആരംഭിച്ചത്. അതോടൊപ്പം നിലവിലെ രാഷ്‌ട്രീയ സാഹചര്യങ്ങളും, കോവിഡ് നിയന്ത്രണങ്ങളുമാണ് ആളുകളുടെ പലായനത്തിന് കാരണമെന്നും റിപ്പോർട്ടുകളുണ്ട്.